O Ministerio de Fomento está reforzando as medidas de seguridade na Autovía do Cantábrico, A-8, entre Mondoñedo e Careira (A Xesta).
Dadas as condicións climatolóxicas adversas -especialmente néboa e vento- que en ocasións afectan aos citados tramos, o Ministerio de Fomento implementará novas medidas especiais adicionais ás xa existentes desde a súa posta en servizo.
O Ministerio de Fomento, en coordinación coa Dirección Xeral de Tráfico e a Garda Civil de Tráfico, decidiu poñer en marcha as seguintes medidas:
-Carteis e sinais de reforzo da sinalización de alta reflectancia, de limitación da velocidade a 80 km/h en situación de néboa, con prohibición de adiantamento de vehículos pesados e obrigatoriedade de alumado nos vehículos en caso de néboa (algo que xa é esixible segundo o Regulamento Xeral de Circulación).
-Paneis de mensaxe variable nos enlaces da Xesta e Mondoñedo a efectos de informar ao usuario da autovía sobre as condicións meteorolóxicas, restriccións de tráfico, incidencias e desvíos no seu caso.
– Visibilímetros e estacións meteorolóxicas adicionais no tramo.
– Balizas de néboa (iguais ás que dispuxo a DXT na A-6 no alto de Piedrafita), colocadas no pavimento e accionadas desde o Centro de Xestión de Tráfico do Noroeste.
Cabe recordar que estes dous tramos de autovía xa contaban desde a súa posta en servizo cunha serie de medidas especiais específicas para a seguridade vial en casos de fenómenos meteorolóxicos adversos, que non se dispuxeron ata agora nos da Rede de Estradas do Estado. Así, dispuxéronse tres quilómetros de lámpadas tipo LED en ambas calzadas da A-8 e nos dous carrís de circulación, así como dous paneis de sinalización variable nas zonas de peor visibilidade. Todo iso complementouse coa instalación dunha estación meteorolóxica con visibilímetro e unha cámara de televisión que axuda á DXT a decidir sobre a sinalización variable en función das condicións atmosféricas da zona. Este dispositivo especial, está conectado por fibra óptica ao Centro de Xestión de Tráfico do Noroeste da Coruña.
Ademais, dispuxéronse sinais especiais para o vento nas dúas zonas de ventos transversais que son o alto do Fiouco e o viaducto de Lindín.
Reparación da vía
Traballadores de Conservación da Rede Nacional de Estradas apuran a retirada de refugallos e a reposición das vallas de seguridade e a reconstrucción da mediana. Polo mesmo, os tramos da autovía A8 entre Mondoñedo e A Xesta permanecen pechados ó tráfico.
As persoas que non puideron obter a súa entrada durante o período de reserva anticipada poderán recoller as entradas restantes o propio día da función, mércores 5 de agosto, a partir das 20:00 horas, na taquilla do Teatro Pastor Díaz. A entrega realizarase ata completar a capacidade do recinto, cun máximo de catro entradas por persoa. O Concello de Viveiro agradece a excelente acollida que está a ter esta representación e lamenta as molestias que esta situación poida ocasionar.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
