Foz, 9 de xullo de 2014. O cartel e o programa de actividades para as festas do Carme da vila focense foron presentados este mércores no salón de actos da Casa da Cultura por varios membros da organización, que corre a cargo da asociación Sempre Foz, e polo concelleiro de Cultura, Ánxel Paleo Soto, que piden colaboradores para a elaboración das alfombras florais e da chicharrada.
Os días principais dos festexos son do 11 ao 16 de xullo, pero o edil de Cultura tamén deu a coñecer outras actividades que se van desenvolver durante este mes na vila focense: “comezaremos este venres cun novo concerto da novena edición de Sons na rúa na praza Pardo Cela a cargo da Coral Polifónica de Burela. Será ás nove da noite e despois, ás dez, empezará o festival Vrao na zona da Maseira e do Namarinos, onde farán unha serie de miniconcertos. E a partir das 22:30 haberá unha sesión de cine ao aire libre na praza Conde de Fontao, organizada pola biblioteca pública e o departamento de Normalización Lingüística da Xunta de Galicia”.
O edil de Cultura engadiu que “o sábado día 12 de xullo empezaremos coa misa da novena na igrexa parroquial e a continuación será o pregón das festas a cargo de Francisco Alonso González (Guayana). Ás 21:30 terá lugar o chupinazo, o pistoletazo de saída das festas, e a continuación servirase unha chicharrada popular na zona de Portochico, na que participará o grupo O Feitizo e que está patrocinada pola confraría de pescadores. Ás dez da noite continuará o festival Vrao na zona do porto, onde se farán miniconcertos en diferentes locais. Ás 22:30 haberá outra sesión de cine ao aire libre, pero esta vez será no Campo da Cabana. Nestas sesións bótanse películas en galego”. A programación continúa o domingo, 13 de xullo, cando haberá “a última sesión de cine ao aire libre, que esta vez será na praza Conde de Fontao”.
As verbenas das festas do Carme de Foz empezarán o luns, 14 de xullo, pero tamén haberá outros actos: “a misa da novena será ás oito da tarde e ás dez da noite celebrarase o terceiro festival Coa nosa fala no Campo da Cabana. E ás 23 horas empezará a verbena coa orquestra Fénix”, comentou Ánxel Paleo, quen tamén destacou que “o martes, 15 de xullo, o véspera do día grande da festividade do Carme, teremos a festa verbena coas orquestras Jerusalén e Cinema, que será na praza Conde de Fontao e na explanada do porto. E a partir de aí empezará a decoración das rúas para o paso da Virxe en procesión ao día seguinte, para o que se pide a colaboración de todos os veciños e visitantes que poidan axudar a confeccionar as alfombras florais”.
O mércores será o día grande das festas do Carme e “os actos empezarán ás doce da mañá coa misa na honra da Virxe, cantada polo coro parroquial, e a continuación farase a procesión polas rúas da vila acompañados polo banda de música de Foz e os grupos folclóricos A Subela, O Feitizo e Andaravío. A partir das seis da tarde teremos uns xogos infantís gratuítos na explanada da Riveira, que organiza a asociación Sempre Foz. Ás oito da tarde teremos a misa na honra dos náufragos e despois farase unha ofrenda floral do Concello no monumento ao mariñeiro, en Tupide. E para rematar, ás 22:30, haberá a gran verbena coa actuación da orquestra Philadelphia”, explicou Ánxel Paleo.
O concelleiro de Cultura continuou anunciando que “o xoves 17 terá lugar un acto que se fará no paseo marítimo da Rapadoira e que incluirá baile de batuka e despois haberá unha noite meiga na que servirán queimada ao remate, sobre as doce da noite. O venres, para rematar, terá lugar un novo concerto de Sons na rúa na praza Pardo de Cela a cargo da Coral Polifónica de Foz e a banda municipal. E o sábado teremos o XV Festival Aires do Masma, na praza Conde de Fontao, que organiza a asociación folclórica A Subela e participan o grupo Prau Llerón, de Mieres; Batuko Tabanka, de Burela, e A Subela. E para rematar a novena edición de Sons na rúa o próximo 25 de xullo estará en concerto na praza Pardo de Cela o grupo Mar aberto, de Foz”.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
