Barreiros, 15 de xullo de 2014. O Concello traballa para detectar a fuga que se produciu na traída da auga en Barreiros nas últimas horas. O alcalde, Alfonso Fuente Parga, asegura que se trata dun problema importante porque os depósitos baléiranse “e en tres ou catro horas se perden 600 metros cúbicos de auga”.
O rexedor explicou que “desde o pasado sábado aquí en Barreiros vimos detectando na rede de auga unha perda de presión importante, pero na tarde de onte víamos como en tres ou catro horas se baleiraban os depósitos totalmente”. Alfonso Fuente Parga indicou que “estamos a traballar para buscar unha fuga que ten que haber nalgunha das xerais, que fai que eses depósitos se baleiren. Onte a partires das nove da noite parroquias como San Cosme, San Pedro de Benquerencia, San Miguel ou Reinante estaban con moi pouca presión de auga ou apenas chegaba a algúns puntos”.
O rexedor dixo que “hoxe mesmo me dirixín ao parque de bombeiros, que vai colaborar co seu camión nodriza para encher o depósito de Reinante e así ter os depósitos cheos e tentar detectar canto antes esa fuga. Tamén facemos un chamamento a que calquera persoa que poida detectar que nunha cuneta ou nun rego hai moita cantidade de auga a que nos avise inmediatamente, porque desde onte á tarde con todos os operarios están a buscar esa fuga. Incluso fomos ver todos os cortes que fixo a empresa do gas (a que constrúe o gasoduto) para saber onde se cruzaban esas obras coa traída da auga e ver si rompeu algo, se está sen reparar e se perde por aí a auga”.
Alfonso Fuente subliñou que “estamos traballando para resolver canto antes este problema, poñendo todos os medios que temos nese afán e chamado incluso aos bombeiros”. O alcalde barreirense contou que “esta noite ás dúas da madrugada pechamos todas as saídas para encher todos os depósitos e hoxe á sete da mañá volvemos dar servizo, pero algunhas parroquias ás nove aínda non lles chegara a auga, porque ata que vai enchendo a rede pasa algún tempo. E iso é debido a unha fuga que estamos tentando localizar. É unha fuga importante porque en tres ou catro horas se están a perder uns 600 metros cúbicos de auga, que é un consumo moi grande”.
O rexedor comentou que “o depósito que se baleira é o que coñecemos coma o da Folgueirosa, entón empeza a tirar do depósito da Barranca en San Miguel e tamén o baleira e iso nos imposibilita para encher o novo depósito de Reinante, que é o que van encher esta mañá os bombeiros de Barreiros. E por outro lado, o depósito de Merille ao non ter A Folgueirosa, que é o seu aporte máis grande, tamén se baleirou onte á tarde. Non é para nada o excesivo consumo, senón que é debido a esa fuga que temos que detectar dalgún xeito inmediatamente para poder arranxar este problema”.
E engadiu que “as parroquias afectadas son as da costa: San Cosme, San Pedro, San Miguel e sobre todo Reinante, que é a que está máis lonxe e é a que primeiro se queda sen auga. Ao quedar sen auga Reinante, empeza a quedarse sen auga San Miguel, pérdese presión en San Pedro e a parroquia de San Cosme queda con moi pouca auga”.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
