Lourenzá, 18 de xullo de 2014. O Concello de Lourenzá presentou un recurso contencioso contra a Xunta de Galicia por unha subvención para a rehabilitación dunha parte do Pazo de Tovar, concretamente da antiga Casa dos Caseiros.
A raíz das manifestacións públicas sobre este asunto feitas polo BNG, a alcaldesa, Emma Álvarez Chao, aclarou que “é certo que de momento temos perdido o dereito a esa axuda, porque o Concello alegou en dúas ocasións e a Xunta informou desfavorablemente nos dous casos. Por este motivo tivemos que presentar un recurso contencioso para poder resolvelo, pois din que o feito nesa parte do Pazo de Tovar non cumpre a finalidade para a que foi concedida a subvención, pero nós consideramos que si, porque se fixo exactamente o que estaba no proxecto, nin máis nin menos”.
A rexedora municipal explicou que “o día que veu a inspectora o pazo estaba aberto e incluso albergaba unha exposición allea á subvención e na acta que fixo di que cumpría a finalidade. Ela entendeu que os paneis que faltaban por colocar eran unha parte máis pero que sen eles xa cumpría a función en si mesma, posto que vendo o Centro de Interpretación non só nos quedamos nesas catro paredes onde se observa perfectamente a construción dun pazo a dúas alturas, senón que tamén se pode visitar a fortaleza, que é unha interpretación da vida dos pazos en si mesma. Ademais había un lavabo sen colocar por un problema de última hora, pero ese mesmo día colocouse e enviamos unha foto para engadir ao expediente e que viran que estaba feito”.
Emma Álvarez engadiu que “cando comunicaron que se iniciaba a perda do dereito á subvención alegamos que xa tíñamos os paneis colocados e enviamos fotos deles pero, segundo eles, seguía sen cumprir o obxectivo. Isto fixo que nos reafirmáranos en que o obxectivo era o mesmo que cando o anterior alcalde, Vidal Martínez-Sierra, presentou ese proxecto por primeira vez, antes de que estas subvencións foran concedidas. Entón, iniciamos o expediente en contra da Xunta porque consideramos que de non cumprir o obxectivo deberían telo dito antes e non conceder a subvención, pero unha vez que foi concedida non nos parece lóxico que digan que non cumpre o obxectivo a pesar de facer exactamente todo o que estaba no proxecto. En todo caso, como é certo que o día que pasou a inspectora non estaban colocados os paneis propoñémoslles que nos desconten os 6.000 euros que custaron, xa que así o contempla a propia orde de axudas, que di que tendo executado máis do 60 por cento da obra pódese pedir que nos dean a parte proporcional”.
A alcaldesa confía en que o recurso contencioso presentado prospere e que o Concello de Lourenzá reciba finalmente esa axuda da Xunta de Galicia.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
