Burela (Lugo), 5 de xullo de 2014.- O Instituto Galego de Seguridade e Saúde Laboral (ISSGA) está a colaborar cos representantes do sector pesqueiro para a prevención de riscos laborais no mar. Por exemplo, a Consellería de Traballo e Benestar e a de Medio Rural e do Mar, contan cun acordo marco coa federación de confrarías para mellorar as condicións de seguridade e reducir a sinestralidade.
A directora do ISSGA, Adela Quinzá-Torroja, clausurou este sábado ó mediodía en Burela unha xornada sobre ‘Seguridade a bordo’, organizada polo Instituto Social da Mariña. Na súa intervención indicou que o sector pesqueiro é un dos que tradicionalmente está considerado como de alto risco por traballar nunha superficie móbil, a exposición a condicións climáticas adversas, a falta de xornadas fixas de traballo e descanso, ou as condicións de habitabilidade e hixiene dos barcos, que son ao mesmo tempo centros de traballo e vivenda.
Neste sentido, desde a Consellería estanse a desenvolver actuacións específicas no eido da prevención de riscos, a través do ISSGA. Tanto no Plan Estratéxico de prevención de riscos laborais como nos plans de actividades anuais do ISSGA, a pesca está considerada como un sector de actuación preferente.
Así, este ano segue desenvolvéndose o Plan Vixía, dirixido de forma específica a reducir os índices de sinestralidade do sector e á mellora da saúde na actividade pesqueira. Este dá continuidade ao traballo que a Xunta vén elaborando desde o ano 2000 no eido da prevención de riscos e a seguridade no sector e está destinado a mellorar os hábitos laborais dos profesionais do mar, aumentar o grao de coñecemento da situación sociolaboral do sector marítimo-pesqueiro, implantar unha concienciación preventiva no sector e velar polo cumprimento da normativa de prevención de riscos laborais. Só no ano 2012 realizáronse preto de 200 actuacións no marco deste Plan, tanto de asesoramento como de seguimento e control.
Ademais, Quinzá-Torroja lembrou que o Instituto está a elaborar diferentes manuais dirixidos a mellorar a cultura de prevención, tales como as guías de vixilancia da saúde, as guías técnicas de prevención de riscos, os estudos epidemiolóxicos e guía de boas prácticas ou a guía de prevención de danos músculo-esqueléticos.
Doutra banda, ao longo do 2013 celebráronse 17 obradoiros de fisioterapia preventiva en concellos da costa de Galicia. Nestas actuacións ofreceron información e formación práctica en temas como os principios básicos da prevención, a ergonomía, a respiración, estiramentos, potenciación de músculos e diferentes exercicios físicos.
A directora do ISSGA lembrou tamén a existencia da Escola de Saúde do ISSGA para mariscadoras, que se está a levar a cabo ata o próximo mes de novembro. Grazas a esta iniciativa, os equipos médicos do Instituto están a repetir os recoñecementos médicos a todas as mariscadoras e redeiras que o solicitan. Ao mesmo tempo, impártense charlas en grupos de entre 12 e 15 profesionais do mar para sensibilizalas sobre a súa saúde e ensinarlles as medidas preventivas e bos hábitos que deben incorporar.
Adela Quinzá-Torroja explicou que todas estas actuacións cos traballadores e traballadoras do mar enmárcanse no Plan Estratéxico de Prevención de Riscos Laborais 2011-2014 que foi un dos primeiros acordos alcanzados no Diálogo Social. Trátase dun plan que fai especial referencia ao sector pesqueiro e, en concreto, a aquelas actividades onde a presenza da muller é maior, como as mariscadoras e as redeiras.
O reto actual pasa por desenvolver unha nova estratexia que abranguería os anos 2015 a 2020 e que deberá dar continuidade á que finaliza este ano para seguir establecendo melloras na seguridade e a saúde laboral.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
