Dende o PSdeG-PSOE de Burela, e despois de confirmado por parte do equipo de “desgoberno” do Partido Popular de Burela a compra do solar para a suposta instalación dunha nova gardería, queremos manifestar:
Que o PSdeG-PSOE de Burela non está en contra de que Burela conte cunha nova gardería, era unha das propostas coas que nos presentamos ás eleccións. Pero está totalmente en contra da maneira na que se pretende facer esta gardería. Dende o PSdeG-PSOE de Burela, e así o temos reiterado en numerosas notas de prensa, entende que esa nova gardería non ten porque custarlle un só euro ás arcas municipais xa que o Concello non ten competencias nesa materia. Sería a Xunta de Galicia a que tería que facerse cargo da construción da gardería, xa que ten as competencias na materia. O convenio que o Sr Barcia asinou coa Consellería é un ataque directo ós intereses de Burela.
Os socialistas de Burela aseguran que “a gardería municipal hipotecará a economía do Concello cando éste non ten competencias na materia”
A gardería que se pretende facer vai custarlle máis de 250.000 euros (máis de corenta millóns das antigas pesetas) ós veciños e veciñas de Burela con todo o que iso lles suporá. O Partido Popular de Burela está hipotecando a economía do Concello para facerlle un favor á Xunta de Galicia. Esta é a maneira de xestionar do Sr Barcia, penaliza ós veciños e veciñas de Burela para non enfrontarse á Xunta de Galicia do Sr Feijoo, como xa nos ten acostumados.
Dende o PSdeG-PSOE de Burela, como xa defendimos en varias ocasións, entendemos que temos no Concello instalacións máis que de sobra para a implantación da nova gardería sen que os veciños e veciñas de Burela teñan que poñer un só euro para a súa posta en funcionamento, instalacións que están desaproveitadas, ou ben que os servizos que existen nelas se poderían recolocar sen ningún tipo de problema, estamos a falar da Casa do Mar, a Casa da Xuventude ou onde se situaba a antiga Capitanía por exemplo. Instalacións que se poderían acondicionar perfectamente para poñer unha gardería por moitos menos cartos do que nos vai a custar os veciños e veciñas de Burela, e os cidadáns galegos en xeral.
Estas son as políticas de austeridade do “desgoberno” de Burela e máis da Xunta de Galicia. Está claro que tanto a Conselleira responsable, Sra Mato, como o Sr Barcia non teñen problema en despilfarrar os cartos de todos cando se podería facer o mesmo por menos cartos. Unha vez máis a Xunta de Galicia deixa tirados os veciños e veciñas de Burela que terán que seguir soportando as subas de impostos e taxas indiscriminado por parte do Concello.
A única dúbida que nos queda é cal sería o interés do Sr Barcia na construción dun novo edificio cando dispón de opcións máis económicas para os veciños e veciñas de Burela.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
