Grupo Municipal do PP de Ribadeo.- Viaxes, contos e contas do alcalde.
O verán é tempo de conversas de rúa e tempo tamén de relecturas clásicas. Algunhas das obras máis antigas cobran actualidade tanto polos temas que tratan como polos seus protagonistas, e hai veces nas que as historias pasadas e cantadas reaparecen en paralelo co presente e animan as charlas e as críticas políticas entre nube e nube.
A Eneida é unha desas obras clásicas que canta a viaxe de retorno do seu heroe ata o seu fogar pasando por innúmeras aventuras. O perfil deste protagonista é moi distinto de tódolos anteriores e é de feito o primeiro dos grandes protagonistas modernos, tanto polo seu carácter e pensamento como pola súa forma de responder ás adversidades. O bó de Eneas respondía tamén a outras características que o fixeron merecedor de alcumes como polytlas, polymetis e polyméchanos, é dicir, o moi sufridor, o moi astuto e o de moitos recursos; e é aquí onde a historia deste clásico se cruza coa do noso alcalde e as consecuencias do derradeiro pleno onde presentaron os orzamentos do 2014 (entre outros asuntos). Os conceptos antes referidos cubren perfectamente algunhas das argucias e recursos estilísticos e publicitarios do noso rexedor e o seu equipo de goberno no seu proceder protocolario.
Logo das críticas económicas dos outros grupos (que pouco eco tiveron en prensa) o grupo municipal do PP presentou unha serie de comentarios que non incidían directamente na matriz económica dos orzamentos, xa case consumidos, do equipo de goberno, pero sí pretendían criticar a política de reparto de gastos no concello de Ribadeo. De tal forma comentouse que dos máis de oito millóns e medio de euros do total, o 42% vai destinado ós gastos de persoal, que seguen gastando máis de 13 mil euros en publicidade e autobombo, que gastando 18 mil euros en extinción de incendios rexeitaron pedir a axuda da Xunta (un 75% do coste total) para a brigada de incendios por considerar que debería ser a Xunta a que pagara o total, que a previsión en gastos xurídicos e en contenciosos, presupostada en 12 mil euros, elevouse a 50 mil,… En fin, unha serie de discrepancias coas fórmulas de recollida, reparto e gastos que como partido que goberna en maioría fan como eles consideran, e nos, como oposición, comentamos e criticamos de forma racional e positiva. Falamos tamén do elevado custo de mantemento e aluguer de determinados locais da vila, e lembramos tamén a proposta que este grupo fixo de darlle rendemento público a algún deses lugares (como se está facendo xa con outros recursos emblemáticos). Non pedimos que pecharan nada, senón que xestionaran algún dos lugares que crean moito gasto de forma que se lles poidera sacar rendemento. Velaí apareceu a Casa da Ría, a chamada Casa das Algas, o ascensor panorámico,… e esa foi a proposta deste grupo.
A partir de aí apareceu nos medios a noticia de que o alcalde recolle a suxerencia do grupo, e logo outro titular no que defende o éxito do ascensor e por fin aporta nun terceiro a cifra de 230 mil viaxes desde o 2010…. Agradecemos ó alcalde a publicación destes números porque convirten o ascensor nun novo destino turístico en Ribadeo, competindo comparativamente coa praia das Catedrais. 230 mil viaxes desde o 2010 supoñen 138 viaxes diarias durante estes catro anos, repetimos, cada día 138 viaxes…. Unha cifra que envexarían Eneas, Simbad, Marco Polo, Colón, Phileas Fogg, Livingstone, Scott, Amstrong ou calquera outro viaxeiro clásico e moderno. Certamente un éxito que, insistimos, debería rendabilizarse para o noso pobo.
Grupo Municipal do PP de Ribadeo.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
