Lourenzá, 29 de agosto de 2014.- A delegada territorial, Raquel Arias, subliñou hoxe que a Xunta de Galicia reforza a súa aposta polos programas de formación e emprego na Mariña” coa posta en marcha definitiva no día de hoxe de catro obradoiros de emprego, nos que participan 80 alumnos de doce concellos da zona costeira.
A delegada, xunto cos alcaldes de Lourenzá, Emma Álvarez, e o de Barreiros, Alfonso Fuente, acompañou aos alumnos do obradoiro de emprego Serra da Cadeira, que comeza hoxe mesmo e foi impulsado conxuntamente polos concellos referidos e o de Trabada.
Arias sinalou que a Consellería de Traballo e Benestar inviste máis de 710.000 euros nos catro obradoiros de emprego que se poñen en marcha estes días na comarca e cos que se promove a contratación de case un cento de persoas da Mariña, entre alumnos, monitores e persoal de administración. Ademais, Arias tamén recordou que, neste ano, ofrecese emprego a preto dun cento de persoas contratados como monitores e persoal de dirección ou administración.
A representante do Executivo galego subliñou a necesidade de seguir sumando sinerxías que procuren a creación de postos de traballo a nivel local. Ao respecto, indicou que existen novos viveiros de emprego susceptibles de xerar postos de traballo e “os concellos xogan un importante papel para detectar e aproveitar estes nichos de emprego no seu ámbito”.
A delegada expuxo que o departamento autonómico de Traballo e Benestar inviste 177.668,40 euros no proxecto Serra da Cadeira, no que unha vintena de persoas desempregadas adquiren formación teórica e experiencia laboral nas especialidades de xardinería e carpintería, realizando obras de interese social nos tres concellos.
Deste xeito, en Barreiros, farase a instalación das carpinterías de madeira da Escola de San Miguel, mentres que no concello de Trabada realizarase o acondicionamento da área da Fraga da Belosiña.
No caso de Lourenzá, realizaranse, por exemplo, as seguintes obras: Montaxe e instalación de catro casetas da faba, instalación dunha decena de stands para os mercados dominicais, axardinamento dos accesos a Vilanova de Lourenzá e o axardinamento da Capela de San Sebastián.
Raquel Arias defendeu o novo modelo de obradoiros de emprego, que en determinados casos promove aos concellos a mancomunar as propostas, porque “significa coordinar accións e reducir custos, permitindo o acceso do maior número posible de persoas desempregadas”.
Os obradoiros están dirixidos a persoas maiores de 18 e teñen unha duración de seis meses, dende hoxe ata o 26 de febreiro, durante os cales os alumnos traballadores perciben un salario e adquiren unha formación teórica e práctica orientada ás demandas reais do mercado laboral.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
