Ribadeo, 7 de agosto de 2014. Concello e Dirección Xeral de Comercio investirán 65.000 euros no amaño da praza de abastos ribadense. A administración autonómica destina a eses traballos 49.000 euros e o resto serán achega do Concello. O alcalde, Fernando Suárez, que considera que a reforma era moi necesaria, asegura que agora haberá que consensuar cos praceiros as datas máis axeitadas para realizar eses traballos.
O rexedor sinalou que “é unha boa noticia por moitos motivos. Primeiro polo impulso ao comercio de proximidade, sobre todo á hora de vender produtos de calidade, co apoio ao emprendemento que estamos facendo e en especial, co apoio a esta asociación de praceiros da Praza de Abastos de Ribadeo, que axudamos a constituír fai un tempo. O diálogo e o traballo continuo fixeron posible que por fin un proxecto polo que levamos apostado dende hai moito tempo dende o Concello se vaia a facer realidade, grazas ao apoio económico que a Dirección Xeral de Comercio autonómica lle acaba de facer ao Concello de Ribadeo”.
Fernando Suárez explicou que “un proxecto duns 65.000 euros de presuposto vai a ter unha axuda duns 49.000 euros por parte da Dirección Xeral de Comercio, poñendo a diferenza o Concello de Ribadeo, para facer distintos arranxos na estrutura da praza de abastos. Hai que ter en conta que algúns dos seus piares están moi deteriorados co paso do tempo, recordemos que este é un edificio que data dos anos 30 do século XX, e ao mesmo tempo temos que reparar tamén a cuberta que ten moitas filtracións e da problemas dende hai moitos anos”. O alcalde ribadense seguiu a relatar que “tamén hai que facerlle unha reparación estética a través dunha nova pintura exterior que lle dea o realce que merece este edificio que no seu momento foi unha doazón de Ramón González a principios do século XX e que hoxe en día é un dos centros da actividade dos praceiros, de toda a xente que vende froitas, verduras, carne e peixe, que están a facer de Ribadeo un lugar moi atractivo para vir comprar este tipo de produtos. E logo tamén para toda a actividade do Mercado dos Domingos e o tradicional mercado dos mércores que dan moitas actividades a Ribadeo”.
Fernando Suárez Barcia engadiu: “agora tócanos dialogar coa directiva da asociación de praceiros para planificar a execución destas obras que terán que facerse despois do verán, pero que temos que intentar conciliar co seu traballo normal habitual. Seguramente nalgún momento teñamos que pechar a praza, dado que hai algunhas actuacións que así o requerirán. Intentaremos que sexan os menos posibles, pero realmente estas reparacións vanlle vir moi ben a esta praza de abastos que nalgúns puntos estaba dando síntomas de esgotamento e de certa perigosidade. Así que polo tanto, trátase dunha moi boa noticia para o patrimonio de Ribadeo e tamén para o comercio, para o turismo e en definitiva para seguir apostando por este sector servizos que tan ben está funcionando en Ribadeo”.
Unha nova edición que está organizada pola Asociación Clásicos Mindonienses Mira e Anda e que conta coa colaboración do Concello de Mondoñedo, o Concello de Abadín e os locais de hostalería Finca San Antonio, Perlora e A Taberna da Galiana de Mondoñedo.
Os feitos delituosos tiveron lugar a pasada fin de semana, cando o presunto autor tentou acceder ao interior das instalacións da piscina municipal, ocasionando danos á porta de acceso por un valor de 600 euros. No marco da investigación procedeuse á súa detención ao constarlle unha requisitoria en vigor dimanante do Xulgado do Penal nº 1 de Lugo de detención, comparecencia e ingreso en prisión. A persoa detida foi trasladada para o seu ingreso no centro penal de Bonxe.
Con esta iniciativa, aberta para todas as persoas nadas en 2018 ou en anos anteriores, búscase incentivar á práctica deportiva á vez que poñer en valor uno dos enclaves naturais do municipio. A actividade desenvolverase en horario de mañá de 10:00 a 14:00 horas, e conta cun número limitado de prazas. Por iso, será necesario realizar unha inscrición gratuíta a través dun formulario dispoñible nas redes sociais do Concello. O prazo de inscrición estará aberto ata o luns 2 de xuño ás 14:00 horas. As prazas iranse adxudicando por orde de inscrición.
Esta interiorista ofrece os seus servizos a persoas que senten que a súa vivenda xa non encaixa con elas, que lles gustaría facer cambios pero non saben por onde empezar ou que están a piques de entrar nun domicilio novo e se estresan só de pensar todo o que hai que decidir.
Os feitos iniciáronse o pasado martes, cando unha patrulla identificpi a unha veciña de Cervo, de 32 anos de idade, a cal, ao observar a presenza dos axentes apeouse do vehículo que conducía, permitindo que o seu acompañante continuase o traxecto. A maneira de actuar de ambos levanto as sospeitas dos axentes, polo que se procedeu a identificar aos dous ocupantes do turismo, comprobando que a persoa que inicialmente o conducía nunca obtivera permiso de conducir algún. Transcorridas menos de 24 horas e, paradoxalmente no mesmo lugar, observouse a un veciño de Mondoñedo de 51 anos de idade, o cal conducía un vehículo malia constarlle unha perda de vixencia do permiso de conducir por esgotamento de puntos. As dilixencias policiais foron remitidas ao Xulgado de Instrución de Garda de Mondoñedo.
É a 15ª edición que, nesta ocasión, se celebrará as fins de semanas do 16-17 de maio (na zona de Abrela, Folgueiro e San Román) e do 23 e 24 de maio (na zona de O Vicedo). Unha oportunidade de probar as especialidades dos restaurantes e cafeterías locais e de participar nun sorteo de 2 pranchas de asar. Os establecementos participantes entran no concurso ao mellor pincho que será votado exclusivamente polos clientes que acudan mediante voto directo en urna con cada pincho que terá un prezo de de 4€.
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
