Foz, 28 de agosto de 2014.- Este xoves á tarde abriu as súas portas en Foz a II Feria de Mostras e Salón do Automóbil, que poderá visitarse ata o vindeiro domingo, 31 de agosto. O evento está organizado por Conoce Ferias, a Asociación de Comerciantes, Industriais e Autónomos de Foz, o Concello e a Deputación de Lugo.
No acto de inauguración, que tivo lugar esta tarde, o presidente de ACIA Foz, José Carlos Paleo, sinalou que “un ano máis estamos moi contentos, temos que dar as grazas dobremente á xente que apostou tanto este ano coma o pasado por acompañarnos e estar en Foz dando a coñecer as súas actividades e produtos. Estamos encantados de rematar o verán cun evento deste tipo” e subliñou que “para a Asociación de Comerciantes é unha oportunidade única posto que xogamos na casa, entón o que queremos é promocionarnos non só desde Foz, senón desde A Mariña cara ao exterior”.
E o alcalde, Javier Castiñeira, dixo que “esta é unha feira importante non só para Foz, senón para toda A Mariña. Está nun sitio ideal, as instalacións do porto son moi axeitadas para a celebración de eventos deste tipo e nunha localidade na que estamos a tope de ocupación, a pesares de atoparnos na recta final do verán”. O rexedor manifestou que “estamos moi contentos de cómo está a saír este verán de 2014, creo que esta é unha forma de culminar o mes de agosto en Foz coa celebración dunha feira de tanta envergadura, con tantos expositores e con tantos visitantes como imos ter, proba diso foi o éxito absoluto da edición do ano pasado, e coa XXIX Feira do Libro pechamos o mes de agosto, con ese ritmo que tivemos en Foz de tantas e tantas actividades culturais ao longo destas semanas”.
Cen expositores se dan cita na II Feira de Mostras e Salón do Automóbil que se celebra en Foz. Ao acto de inauguración, que contou coa actuación musical de A Subela, asistiron o xefe territorial de Presidencia, José Manuel Rozas; o deputado autonómico mariñán Vidal Martínez Sierra; o coordinador da Área de Mar na Mariña de Lugo, Pablo Fernández Asensio; o deputado provincial responsable de Economía do Coñemento, Emprendedores e Innovación, Alfredo Llano; o presidente da asociación provincial de empresarios de hostalería, Cheché Real; os concelleiros de Cultura e Turismo, Ánxel Paleo e Maite López; así coma outros edís da Corporación Municipal de Foz.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
