O Valadouro, 12 de agosto de 2014.- O Partido Popular do Valadouro mantén as súas acusacións tras coñecer que a Deputación, gobernada por PSOE e BNG, abonou unha axuda do Plan de cooperación coas comunidades veciñais nunha conta bancaria da que é titular a muller do alcalde, o socialista Edmundo Maseda.
Os populares manteñen que o reparto destas axudas favorecen intereses partidistas e particulares de persoas afíns aos partidos no goberno provincial e non responden a criterios obxectivos, como debería garantirse ao tratarse dun reparto de fondos públicos.
Os populares aclaran que non están en contra de que se execute a obra de mellora nesta pista, senón da maneira na que se fixo, favorecendo os intereses particulares do alcalde e, moi en concreto, dun camiño que a día de hoxe remata de xeito exclusivo nos invernadoiros que constitúen a actividade profesional familiar e privada do alcalde.
Desde o PP van aínda máis lonxe e aseguran que o que era un camiño real que daba servizo público a unha serie de montes e unía as parroquias de Moucide e Budían, está hoxe pechado converténdose nunha pista que morre precisamente alí, na zona dos invernadoiros do alcalde.
“Edmundo Maseda non so rebaixou o terreo, senón que pechou esta pista, feito que vén a reforzar a nosa acusación de que esta actuación tiña un interese particular moi concreto. O alcalde está obrigado a dar explicacións sobre as razóns do peche deste camiño público”
UNHA PISTA SOBRE A QUE SI ACTUOU UN GOBERNO POPULAR
Os populares desmenten ademais a Edmundo Maseda no seu intento por xustificar esta obra asegurando que a pista levaba máis de 15 anos sen arranxo. Neste senso lembran que na última lexislatura do popular Eulogio Sanpaio o PP mellorou con zahorra, tajeas e cunetas este camiño real quedando en perfecto estado o servizo.
Desde o Partido Popular volven a insistir en que solicitar esta axuda empregando o nome da muller do alcalde pode ser legal pero en todo caso está falto de toda ética. A lexislación vixente establece innumerables incompatibilidades para evitar que desde unha administración pública se favorezan a familiares dun político e que neste caso concreto, se serven dunha laguna para facer legal o que non é ético.
UN ALCALDE QUE NON ACEPTA AS CRÍTICAS
Os populares lamentan que fronte as denuncias concretas que o Partido Popular realiza na súa tarefa de oposición, reciban unha e outra vez ás críticas airadas do alcalde -incluso con descualificativos persoais- e insisten en que tanto neste caso, como nos asuntos que tanto parece ter molestado ao alcalde, incluídos no boletín informativo que o PP distribuíu entre os veciños, lonxe de criticar por criticar o PP fala de asuntos concretos e realistas e absolutamente certos, como cando asegura que o único compromiso que cumpriu o equipo de goberno de todos os pactados coa moción de censura foi a creación da escola de orticultura. Rematan lembrando que o alcalde, molesto pola súa incapacidade de ganar as eleccións, fai oídos xordos a todas as acusacións e lembran que, a día de hoxe por exemplo, non explicou tampouco se devolveu a dieta que percibiu do concello de Ourol por acudir a unha mesa de contratación, na súa condición de alcalde.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
