Burela, 12 de agosto de 2014. Burela reuniu este martes pola mañá ao Comité de Xestión de Praias, creado por suxestión de ADEAC, a entidade que concede as bandeiras azuis, para analizar o estado dos areais municipais e facer unha primeira valoración do mesmo, do uso que se lles está dando, e das incidencias que teñen acontecido no que vai de verán.
Este Comité está presidido polo alcalde e integra a representantes da Corporación, técnicos municipais de medio ambiente, de protección civil, representante da Policía Local, así como das empresas de limpeza, abastecemento de auga e saneamento.
Segundo explicou a concelleira de Medio Ambiente, Patricia López Eijo, a reunión foi fundamentalmente analítica e informativa. López Eijo destacou “a importancia de manter o distintivo bandeira azul para as praias de A Marosa e Portelo, que o posúen desde 1993 e 1999 respectivamente (aínda que Portelo perdeuna un ano, en 2003), para o barco museo Reina del Carmen (que conta con ela de xeito ininterrompido desde 2002) e para a Aula de Educación Ambiental Gaia (que tamén conta con ela de xeito ininterrompido desde o ano 2000). Pero tamén nos satisfai ver cómo Ril acada a bandeira azul de novo, agardamos que para non perdela, e cómo por primeira vez se acada a distinción para os Sendeiros Azuis-Rutas do Litoral”.
Segundo a edil popular “hai que destacar o mantemento do número de socorristas nos tres areais bandeira azul, o que demostra o compromiso do Concello na materia”. Neste senso, López Eijo subliñou “o avance que se produciu tanto en Ril coma en Portelo, coa adquisición por parte municipal de novas infraestruturas para socorristas e a instalación de servizos hixiénicos, que melloran substancialmente o que xa había, pero que tamén significan un considerable aforro económico para o Concello”.
López Eijo tamén fixo mención ao emisario submarino, “que o atopamos en moi mal estado en 2011, o que supuxo un desembolso de 30.000 euros; desde ese ano, se fai unha revisión anual, e a deste ano, feita a finais de xullo, demostra que está en bo estado de funcionamento”. A concelleira recoñeceu que o estado do emisario “pode condicionar o resultado das analíticas das augas de baño; no que levamos de verán, as analíticas dannos que as cinco praias do Concello son aptas para o baño, mesmo Penoural”.
A responsable municipal de Medio Ambiente aludiu ao uso que se lles dá ás praias durante o verán: “a Aula de Educación Ambiental Gaia organizou e organiza diversas actividades durante o verán, para que a poboación infantil se vaia familiarizando coas praias non como meros espazos para tomar o sol ou bañarse, senón como espazos que contan co seu propio medio natural, e que polo tanto deben ser respectadas e coidadas”.
Logo de indicar que “no que vai de ano, non teñen acontecido incidentes graves en materia de salvamento e socorrismo, agás as típicas escordaduras ou picaduras, debido a que os socorristas fan unha labor efectiva e a que os usuarios somos cada vez máis responsables”, Patricia López indicou que “se recolleron unha serie de suxestións que se tentarán aplicar, sempre e cando a economía municipal o permita, en anos sucesivos”.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
