Ribadeo, 12 de agosto de 2014. Con éxito se desenvolveu o simulacro de rescate que tivo lugar esta mañá na praia das Catedrais. O suposto foi o desprendemento dunha pedra de grande dimensións, que deixou atrapada a unha persoa. O concelleiro de Medio Ambiente, Horacio Cupeiro, subliñou a rápida actuación dos bombeiros de Barreiros e do resto dos efectivos implicados.
O edil nacionalista sinalou que “este simulacro foi por un desprendemento de unha pedra de considerables dimensións, onde o que intentamos foi poñer en práctica algo que pode suceder no futuro por si acaso. O que fixo esa pedra foi deixar atrapada a unha persoa que non se podía sacar, polo que tiveron que actuar os Bombeiros de Barreiros”.
Cupeiro explicou que “o tempo de resposta dende que os Bombeiros entraron ás 11:30 horas, foi exactamente dunha hora, dende que chegaron a carón da persoa accidentada, ata que esta foi trasladada á ambulancia. Participaron tódolos corpos que teñen que participar nunha cousa destas coma foi o 112, o 061 de Ribadeo, os Bombeiros, a Policía Municipal e a Garda Civil. Unha das primeiras cousas que se fixo foi cortar o tráfico rodado nas Catedrais e mandar aos coches ao aparcamento que temos activo para este fin durante todo o verán. A continuación, a Policía Municipal, axudada pola Garda Civil, estivo disuadindo ás persoas para que non se acercasen ao lugar do accidente”.
Para o concelleiro de Medio Ambiente “a efectividade e o grado de desenvolvemento que levaron a cabo os Bombeiros foi espectacular. Eu feliciteinos polo alarde de bo facer que demostraron baixando en cordada posiblemente dende unha altura duns 15 metros ao punto no que se produciu o suposto accidente. O tempo de rescate foi moi bo. Non sei si se podería facer máis rápido, pero dende logo, mellor imposible. Vese que os Bombeiros teñen unha profesionalidade moi boa e o resto dos corpos tamén, xa que fixeron moi fácil ter controlado o sitio onde se produciu este suposto incidente”.
Cupeiro dixo estar “moi contento de ter programado este simulacro precisamente por un posible desprendemento. Creo que en calquera momento se pode producir un incidente así e debemos alertar á xente para que ande con moito coidado polos sitios onde se pon, non só nas Catedrais, senón na costa en xeral. A costa é algo dinámico que está a caer tódolos días en diferentes sitios e que os visitantes e veciños teñen que ter coidado porque existen precipicios fáciles de desprender e isto é perigoso”.
O simulacro de rescate realizouse con marea baixa e diante da atenta mirada de moitos dos turistas que estaban a visitar o areal nese momento: “intentamos facer este simulacro cando houbera un maior número de visitantes na praia das Catedrais, coma acontece agora mesmo con marea baixa e mareas vivas. Fixémolo porque debemos planear as cousas cando hai máis dificultade para sacar adiante estes casos. Os visitantes comportáronse moi ben porque precisamente os corpos e forzas de seguridade do Estado estiveron disuadindo á xente para que non se acercase ao lugar onde estábamos a levar a cabo o simulacro. Aínda así había na praia un montón de xente de visita e foi espectacular ver ao final como todos aplaudiron a boa labor levada a cabo polos Bombeiros e demais corpos de seguridade que participaron no simulacro”.
O acto terá lugar o vindeiro luns 18 de maio, coincidindo coa celebración do Día Internacional dos Museos, unha data sinalada para poñer en valor o patrimonio cultural e mariñeiro do concello. Tras un período de traballos de mellora e adecuación, o museo —un referente na comarca— reabre para ofrecer ás persoas visitantes unha viaxe inmersiva a través da herdanza mariñeira, da industria conserveira e da estreita relación das súas xentes co Cantábrico.
Unha obra para todos os públicos. Hora: 20.00. Entrada libre ata completar aforo, non é necesario facer reserva de entradas.
O encontro, aberto ao público, terá lugar na Casa Museo Álvaro Cunqueiro e será moderado por membros da propia asociación. A sesión busca reflexionar colectivamente sobre a posibilidade de que Mondoñedo aspire a ser recoñecida como Patrimonio da Humanidade, abordando a cuestión desde perspectivas históricas, patrimoniais, artísticas, naturais e humanísticas. A actividade comezará ás 11:00 h e a organización anima a toda a veciñanza a participar e compartir opinións.
O Comité de Empresa de Alúmina‑Aluminio San Cibrao informa de que a Secretaría de Industria convocou ao comité á 19ª reunión de seguimento do acordo de viabilidade, que se celebrará o venres 15 de maio ás 12:30 horas na Delegación do Goberno en A Coruña. Unha vez rematada a reunión, o comité procederá a informar aos traballadores sobre os resultados e avances do encontro.
A participación estará aberta do 14 ao 18 de maio, e a persoa gañadora poderá escoller entre cinco modelos diferentes. A propietaria, Susana Moreira, fai un balance moi positivo desta década, na que o negocio evolucionou ata centrarse en mercería, venda de la e artigos artesanais elaborados por ela mesma. Ademais, ofrece arranxos de roupa e organiza cursos e talleres de ganchillo, calceta e bordado, como o previsto para o 23 de maio. A maior parte da clientela e das persoas que participan nas actividades son mulleres, aínda que tamén acoden nenos e mozos interesados en técnicas como os amigurumis.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
