A Federación Provincial de Confrarías de Pescadores de Lugo presente este venres 12 de setembro a partir das 20.30 horas no Salón de Actos da Confraría de Pescadores o vídeo documental “AS MEMORIAS DO MAR DE BURELA” que promove grazas a unha axuda da Consellería do Mar a través dos Grupos de Acción Costeira (GAC-01 A Mariña-Ortegal) e no que colaboran as seis confrarías da provincia.
Con esta película complétase a serie de seis documentais sobre cada unha das confrarías de pescadores de Lugo, que se foron presentando en cada localidade nos últimos dous meses: San Ciprián, Celeiro, O Vicedo, Foz, Ribadeo e agora Buerla. En cada vídeo destácanse os principais aspectos da historia local de cada pobo, íntimamente relacionados co mar. Preténdese recuperar unha parte da memoria histórica de cada porto e cada pobo, facendo un percorrido polos acontecementos máis destacados dos últimos séculos: cómo foi evolucionando a pesca, as medidas de seguridade e habitabilidade das embarcacións, a importante actividade de cabotaxe e de transporte de mercadorías, os asteleiros e carpintería de ribeira, as fábricas de salazón e conservas, e outras anécdotas de abundancia na pesca e marisqueo, de naufraxios…
“As Memorias do Mar de Burela” é unha película documental dalgo máis de trinta minutos na que se presenta unha parte da memoria histórica do pósito de Burela, cos recordos de personas relacionadas co mar, desde varios patróns maiores da Confraría, armadores e mariñeiros xubilados ou aínda en activo, e outras xentes ligadas a calquera das actividades vinculadas á pesca e ó mar, que aportan as súas reflexións dos momentos máis relevantes da actividade mariñeira de Burela no último siglo e tamén de cada ó futuro do porto.
A presentación do vídeo é un acto aberto ó público e terá lugar este venres 12 de setembro ás 8 e media da tarde no salón de actos da Confraría de Pescadores de Burela. De cada un destes documentais edítanse 1000 copias en DVD, que se distribuirán gratuitamente a través de cada unha das seis confrarías de pescadores e da propia Federación Provincial de Confrarías, que tamén o empleará como material de promoción e divulgación en feiras de mostras, xornadas técnicas e outros eventos relacionados.
*Foto da presentación do vídeo sobre “As memorias do mar de Foz”.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
