Burela, 5 de setembro de 2014. Do 11 ao 30 de setembro estará aberto o prazo de matrícula para o curso 2014/2015 na Escola Municipal de Música de Burela. A presentación da nova tempada será o 22 de setembro.
A concelleira de Educación, Mónica Pedre, sinala que “para formalizar a inscrición os interesados deberán acudir á sede da escola, onde lles facilitarán a documentación necesaria para a matrícula, de luns a venres en horario de 10 a 14 horas”.
Todos aqueles alumn@s que desexen matricularse por primeira vez e sexan menores de idade deberán presentar a fotocopia do DNI dun dos pais, fotocopia do libro de familia e unha fotografía tamaño carné. E os maiores de 18 anos unicamente fotocopia do DNI e fotografía.
A edil popular indica que “durante este curso, como en anos anteriores, a Escola de Música traballará na organización e desenvolvemento de actividades, tanto a nivel escolar coma a través doutros colectivos, de cursiños de educación musical, luthería, concertos didácticos, talleres, etc… nos que se traballarán diversos contidos coma: apreciación musical, discriminación auditiva, coñecemento dos elementos da música, práctica instrumental…”.
Pedre engade que “continuará aberta a aula de formación musical para adultos e o curso de música e movemento para nenos entre 4 e 8 anos, así coma as especialidades instrumentais e as materias complementarias coma a linguaxe musical, coro, interpretación, formación orquestral ou banda”.
No taboleiro de anuncios da escola atópanse expostos os horarios e as prazas vacantes das distintas especialidades instrumentais do curso 2014/2015. A presentación será o 22 de setembro ás 20:30 horas no Auditorio Municipal.
Os instrumentos que se impartirán son: violín, viola, violonchelo, contrabaixo, frauta, clarinete, óboe, fagot, trompa, trompeta, trombón, tuba, piano, percusión, gaita e saxo.
A concelleira de Educación subliña que “o equipo de goberno está facendo un esforzo importante para potenciar a Escola Municipal de Música. Hai mes e medio decidiu baixar as taxas para o vindeiro curso 2014-2015, cos votos en contra da oposición municipal, que debeu recapacitar dado que non presentou ningunha alegación durante o período de exposición ao público que rematou este xoves. Ademais, e como se ven facendo desde 2012, e neste caso con suficiente antelación para poder comezar o curso co cento por cento da plantilla de profesorado cuberta, os vindeiros días quedarán seleccionados os profesores que impartirán clases de óboe, frauta e clarinete. Igualmente, o goberno municipal está ultimando a fórmula para que a Escola Municipal de Música conte cun profesor de canto para este próximo curso. Todo apunta a que será unha fórmula transitoria de cara a darlle no futuro unha certa estabilidade”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
