Lourenzá, 29 de setembro de 2014. Dez establecementos hostaleiros de Lourenzá ofrecerán máis de 20 tapas diferentes de balde con motivo da Festa da Faba. O evento orixina cambios no tráfico e varias rúas estarán cortadas. Anunciouno a alcaldesa, Emma Álvarez Chao.
“Este ano chegamos á sétima edición da Ruta de Tapas con Fabas de Lourenzá, que se celebra durante o vindeiro fin de semana coincidindo coa XXIV edición da Festa da Faba. Son varios os establecementos hostaleiros que participan nestas xornadas: Cafetería Galaxia, Café-Pub Trasgo, Cervexería O Recanto, Restaurante La Unión, Bar Cabaleiros, Café-Bar Cantón, Mesón Paraíso, Cervecería Morrigan, Bar Airiños do Castro e Bar O Torreón. Case ao completo están todos os bares e establecementos hostaleiros do concello de Lourenzá. Entre todos eles van elaborar máis de 20 tapas diferentes cuxo ingrediente principal é a faba de Lourenzá”, explicou a rexedora municipal.
Emma Álvarez engadiu que “a xente que se acerque ao noso concello vai poder degustar as fabas de Lourenzá de balde nestas tapiñas coa súa consumición o venres dende as 8 da tarde ata as 11 da noite e o sábado dende as 12 da mañá ata as 4 da tarde e posteriormente dende as 8 ata as 11 da noite. Así mesmo o domingo de 12 a 4 da tarde tamén se poderán degustar as fabas de Lourenzá en tapas de balde. O tapeo do venres estará amenizado polo grupo musical Aires do Padornelo, que percorrerá os distintos bares que participan nesta ruta. Este evento está patrocinado por Cerámicas Regal, que fixo os detalles para entregar ás mellores tapas, premios que serán entregados o sábado a mediodía. Tamén colabora a Indicación Xeográfica Protexida Faba de Lourenzá para que este evento se leve a cabo”.
En canto aos cambios no tráfico, alcaldesa fixo público un bando ao respecto e comentou que “co gallo da celebración da XXIV Festa da Faba e tamén das festas do San Marcial, que coinciden no vindeiro fin de semana, os días 3,4 e 5 de outubro, varias rúas do noso concello permanecerán pechadas ao tráfico. As afectadas son Travesía da Mariña, Avenida de Mondoñedo, Paseo de Olla, Praza Linares Rivas, Muíño do Frade, Avelino Montero Villegas e Secretario Luis Iglesias. A rúa Paseo de Olla xa quedará pechada dende o xoves día 2 de outubro a partir das 8 da mañá, e a Praza César Chavarría dende o mércores día 1 de outubro ás 7.30. O resto das rúas pecharémolas dende o venres ás 11 da mañá ata o vindeiro luns, día 6 de outubro. Así mesmo queda prohibido aparcar a ambos lados da rúa Casas Novoa ao longo de todo o sábado e todo o domingo, días 4 e 5 de outubro. Igualmente a parada de autobuses, que habitualmente está en fronte á Praza do Conde Santo, será trasladada durante este vindeiro fin de semana para a rúa Calvo Sotelo, xusto na Glorieta Xulio Minguillón, ao carón do Bar Cabaleiros”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
