De tod@s é coñecida a delicada situación na que esta entrando o sector lácteo galego nos últimos meses, e queremos supor que isto tampouco se lle escapa a sra. Conselleira. Máis agravada se cabe, co “cachondeo” que se trae a Unión Europea coas axudas polo veto ruso os produtos europeos.
Hoxe quixemos por de manifesto coma apesares da delicada situación en que se atopa o sector lácteo galego, sendo Galiza onde menos se paga polo leite @s produtor@s, os estantes das cadeas de distribución seguen a estar cheos de produtos lácteos doutros paises europeos.
Dende FRUGA demandamos que os representantes da administración deixen de ameazar @s gandeir@s e se poñan a traballar e tomar decisións polo futuro do sector. Solicitamos, máis unha vez, a intervención xa e urxente, da consellería antes do agravamento desta situación. O que debería plasmarse na creación dun “gabinete de crise do sector lácteo“ no que esten representadas todas as partes (gandeir@s, administración, empresas) e ata que se supere a actual situación provocada por un futuro sen cotas.
Despois das asembleas mantidas c@s gandeir@s e de recollidas as súas grandes preocupacións pola evolución actual e futura da situación do sector, entendemos que non se pode dilatar máis no tempo a toma de decisións e acordos que salven a actual produción láctea galega.
Por todo o mencionado solicitamos manter unha reunión coa sra. Conselleira para abordar a situación descrita en base a 3 puntos prioritarios:
1.- Negociación con Bruxelas, co fin de evitar o pagamento da multa por sobreprodución na campaña 2014-2015 nos termos en que se plantexa.
2.- Constitución dun gabinete de crise do sector lácteo para o seguimento permanente dos seus actuais e graves problemas.
3.- Planificación da comercialización da totalidade do leite producido cando desaparezan as cuotas e en base os seguintes temas:
• Actuar sobre os custes de produción, favorecendo a mobilidade da terra, impedindo a forestación de terras agrarias e procedendo a unha ordenación dos cultivos. Esta Consellaría ten conxelado o Banco de Terra e non está servindo para o fin que foi creado.
• Observatorio Lácteo Galego. Este instrumento tampouco está cumprindo a función de determinar os custes de produción como paso previo para establecer prezos xustos para o noso leite e que cubran eses custes.
• Interprofesional Láctea Galega, como lugar onde chegar a acordos firmes e estábeis entre as partes, contando coa presenza da produción, industrialización, comercialización e administración.
• Grupo Lácteo Galego. O 80% do leite galego é transformado por industrias de fora da Galiza e iso repercute directamente sobre o prezo que se nos paga polo noso leite.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
