O Servizo Galego de Saúde rematou xa as obras de reforma e acondicionamento do bloque cirúrxico do Hospital da Costa, que se desenvolveron durante o último mes e que permitiron a mellora e renovación desta área hospitalaria. A Estrutura Organizativa de Xestión Integrada de Lugo, Cervo e Monforte de Lemos destinou un orzamento de máis de 40.000 euros para adecuar e mellorar este importante servizo. Tralas obras de acondicionamento levadas a cabo, o Hospital da Costa retoma este luns, 15 de setembro, a súa actividade cirúrxica habitual.
Os traballos levados a cabo centráronse, principalmente, na renovación das instalacións e en substituir o pavimento das mesmas. Os cinco quirófanos cos que conta o Hospital da Costa permiten afrontar unha media diaria de 20 intervencións cirúrxicas programadas e urxentes neste centro.
A execución das obras levouse a cabo durante o mes de agosto, aproveitando a menor actividade programada que acostuma levar parella este mes. Os traballos, ademais, abordáronse nunha única fase, pero de xeito escalonado, de forma que sempre houbo suficientes quirófanos operativos para garantir a actividade asistencial programada e urxente que se rexistrou no centro e que apenas se viu afectada.
Os traballos realizados incluiron a rexeneración dos solos, substituindo o morteiro de arxila por un de cemento ou formigón que, posteriormente, foi recuberto con PVC electroestático, para garantir que non se deteriore a pintura a causa dos roces dos equipos e camas. Ademais, pintouse o espazo e repararanse os desconchados e outros desperfectos provocados polo seu uso continuado. Finalmente, a obra rematou coa limpeza dos condutos de ventilación e o selado das ventás ao exterior.
Unha vez rematadas as obras e realizados os traballos de limpeza, o Servizo de Medicina Preventiva do Hospital da Costa realizou as correspondentes tomas de mostras e medicións coa finalidade de garantir a máxima bioseguridade dos quirófanos e o seu correcto illamento e esterilización. Unha vez analizados os resultados e confirmada a seguridade do bloque cirúxico, o Hospital da Costa volve a poñer en marcha toda a área e a retomar este luns a actividade cirúrxica habitual tralo período vacacional.
Vinte intervencións ao día
A área cirúrxica do Hospital da Costa foi inaugurada, tras unha renovación completa, levada a cabo en novembro de 2001. O Sergas investiu nesa reforma e ampliación máis de 4 millóns de euros (dos que máis de 3 millóns corresponderon á obra civil e preto de un millón a equipamento). Con esta gran reforma e ampliación, o Sergas dotou ao Hospital da Costa dunha área cirúrxica moderna e funcional.
A área cirúrxica do Hospital da Costa conta cunha superficie de preto de 1.500 metros cadrados, que albergan cinco quirófanos, unha zona de esterilización e cuartos de instalacións, entre outros espazos. Tamén ten unha área de cirurxía maior ambulatoria, con consulta, sala de adaptación ao medio, zona de control de enfermería, sala de espera e vestiarios, entre outros espazos.
Cada quiráfono conta con sistema de climatización independente que garante a máxima seguridade da zona, todo elo controlado por un complexo sistema informático que detecta calquera posible incidencia no seu funcionamento e cun sistema de autorregulación automático de maneira que, segundo as variacións de temperatura que se produzan dentro dos quirófanos, estas se autocorrixan de forma inmediata.
Os facultativos do Hospital da Costa realizan cada día unha media de 20 operacións programadas e urxentes nos quirófanos do Hospital da Costa e máis de 5.000 intervencións cirúrxicas anuais.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
