Lourenzá, 20 de setembro de 2014.- O exalcalde de Lourenzá e deputado autonómico, Vidal Martínez-Sierra quixo saír ao paso da polémica xerada en torno á rehabilitación do Pazo de Tovar e, tras defender a limpeza de todos os pasos dados baixo ou seu mandato, non dubidou en lamentar a instrumentalización política que desta cuestión están a facer os partidos da oposición, sen importarlles -así o asegurou- o dano que provocan á imaxe dunha das principais xoias culturais, patrimoniais e turísticas do concello.
Martínez-Sierra quixo aclarar, en primeiro lugar, para evitar confusións interesadas, que a restauración do Pazo e a creación e apertura do centro de interpretación, son dous proxectos distintos, executados por diferentes organismos, aínda que ambos destinados a poñer en valor este espazo. Con todo, a intención de mesturalos, tan só busca confundir á cidadanía, sobre un proceso complexo no que en todo momento se buscou o máximo interese público.
ANTECEDENTES
O exalcalde fixo un repaso dende os primeiros intentos de restaurar o Pazo,levados a cabo en tempos de D. Manuel Fraga como Ministro de Información e Turismo, para crear un Parador de Turismo, ata a actualidade en que o Pazo cambia de propietario, e este, pon a disposición do Concello o edificio para sua recuperación.
Explicou así mesmo as tres iniciativas emprendidas dende a Alcaldía:
-Restauración do Pazo
-Proxecto de Investigación ( I+D) liderado por Padre Sarmiento
-Creación Centro de Interpretación dos Pazos
PROXECTO DE RESTAURACIÓN
Martínez-Sierra explicou que tras un período inicial que arranca no ano 2006 e no que os nacionalistas -daquela responsables da área autonómica de Patrimonio Cultural- acollen con certo interés esta iniciativa, pasamos a un periodo de apropiación de ideas, para finalmente deixalo caer no limbo do esquecemento, e como, grazas ao cambio de goberno da Xunta de Galicia,esta iniciativa colleu novos folgos , co apoio decidido do novo presidente da Xunta, materializandose dende a D.X. de Patrimonio con fondos Europeos.
PROXECTO DE INVESTIGACIÓN
De xeito paralelo á restauración, o Concello impulsou un proxecto de Investigación liderado polo Instituto de Estudos Galegos “Padre Sarmiento”. O obxectivo era dotarse e poñer ao día a información documental e histórica sobre o Pazo e elaborar as publicacións necesarias que avalasen, enriqueceran e completasen a posta en valor destas instalacións, así como a importancia da súa recuperación, e dispoñer nel o Centro de Interpretación mencionado, contando cunha subvención dentro do Plan Galego de Investigación.
COLABORACIÓN DESINTERESADA E ALTRUISTA
Tamén foi neste momento –aclara o exalcalde- cando conscientes da necesidade de incorporar ao equipo de investigación a persoal técnico especializado, no tocante aos aspectos das obras, se contacta con Maite Vidal, arquitecta laurentina que se atopaba realizando un Máster en Rehabilitación, Mantemento e Recuperación de Edificios na Universidade Alfonso X de Madrid.
Martínez-Sierra quere deixar claro que son exclusivamente condicionantes técnicos e profesionais, e non a súa familiaridade cun concelleiro da corporación, os que motivan esta colaboración que ademais efectúa de xeito exemplar, sen que se perciba por parte da arquitecta ningún tipo de contraprestación económica. O seu grado de implicación foi tal que esta profesional acaba incorporando a idea da “rehabilitación do Pazo de Tovar” ao seu proxecto fin de Máster.
Martínez-Sierra lamenta que este feito sexa aproveitado polas forzas da oposición para atacar ao seu compañeiro de corporación e para desvirtuar unha colaboración altruísta e dar pé á difamación intentando presentalo como un conflito de interese cando, ao contrario, esta axuda foi imprescindible para a mellora do proxecto sen menoscabo económico algún para o Concello.
MUSEO E CENTRO DE INTERPRETACIÓN
Martínez-Sierra explicou tamén, os pasos dados ata lograr presentar un Anteproxecto, as subvencións convocadas por AGADER para proxectos dinamizadores nas areas rurais, promovidos por concellos, grazas a colaboración desinteresada do equipo de investigación do “Padre Sarmiento”, do que formaba parte Maíte Vidal, sen ningún coste para o Concello.
Rematando as suas xestions, unha vez concedida a subvención de aprox. 98.000 Euros, motivado polo seu relevo ao fronte da Alcaldia, por Dª. Emma Alvarez Chao, ao presentarse as eleccions de diputados do Parlamento de Galicia.
Concluíndo a sua explicación deixando claro a limpeza dos pasos dados baixo o seu mandato e que non supuxeron nin un Euro de gasto para o Concello.
Terminou o acto dando as grazas, pola sua colaboración inestimable, ao Instituto Padre Sarmiento, Maíte Vidal e a Jose Ventoso ,propietario do Pazo de Tovar.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
