A Comunidade de Montes de Vilaestrofe mantivo unha reunión este venres tanto co Alcalde do Concello de Cervo, Don Alfonso Villares, como co Vicepresidente Primeiro da Deputación de Lugo, D. Antonio Veiga, para recabar o apoio destas administracións na edicción do libro conmemorativo do Centenario do Grupo Escolar.
Ambas entidades mostraron a súa loubanza e ánimo de colaboración nesta iniciativa, a cal se atopa caseque na súa última fase; unha labor dirixida en todo momento por D. Francisco Piñeiro González, alma máter deste proxecto.
A recopilación de datos e documentación foi unha ardua tarea, e dende a Comunidade agradecemos a tódolos veciños, entidades, e organismos que permitiron que o libro sexa casi xa unha realidade.
Aínda restan por perfilar certos detalles, pero o día 1 de Xaneiro cúmprense 100 anos da inauguración do Grupo Escolar, e pretendemos facer a presentación do libro do Centenario o día 10 de Xaneiro, no cal, entre outros actos, está previsto colocar un busto en honra a Manuel Candia, donante do Grupo Escolar emigrado na Arxentina.
Poderiamos decir que está practicamente rematado o libro conmemorativo, no cal se recollen datos moi significativos da parroquia de San Román, dende os nosos orixes e evolución, dende a construccións das Estradas por D. José Alvarez e a Escola por D. Manuel Candia, a construcción do teleclube, do campo de fútbol, da colocación do reloxo na escola, das distintas xeracións de nenos que foron á escola,…son partes fundamentais no libro.
Queremos facer constancia sobor de todo, da labor de D. Francisco Piñeiro, que durante este tempo se convirteu nun veciño noso máis, recollendo as anécdotas, vivencias, documentación, que logo plasmou no libro. El é a parte fundamental deste proxecto, que seguro será un recordo moi importante para todos os veciños de San Román de Vilaestrofe.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
