Lugo, 29 de outubro de 2014.- A Deputación de Lugo convírtese na primeira deputación galega en devolver a paga extra de decembro de 2012 a todos os seus traballadores. Estes veñen de percibir esta mesma semana, xunto coa súa nómina de outubro, a máxima cantidade que a día de hoxe a Lei permite abonar. Así, un total de 487 empregados do organismo lugués -tanto persoal funcionario como laboral-, teñen xa recuperado a parte correspondente a 44 días, do 1 de xuño ao 14 de xullo de 2012, o que suma un total de 226.000 euros.
Co ingreso desta parte proporcional cúmprese o anunciado o pasado mes de setembro polo Presidente da Deputación, José Ramón Gómez Besteiro, quen avanzou que todos os traballadores da institución provincial recuperarían o 25% da paga extra “que en decembro de 2012 foi incautada a todos os traballadores públicos da Deputación, e de todas as administracións deste país, por unha decisión do Goberno de Rajoy, secundada en Galicia polo Goberno que preside Núñez Feijóo”.
En canto á cantidade restante, as previsións do Goberno provincial son que esta poida ser devolta a principios de 2015, de xeito que os traballadores públicos da Deputación “teñan recuperado a totalidade dos cartos que o Goberno de Rajoy lles quitou”, tal e como destacou o Presidente no seu momento.
Compromiso cumprido
Gómez Besteiro subliñaba daquela que, coa decisión de reintegrar aos traballadores da Deputación de Lugo o 100% da paga extra suprimida por Rajoy, “chegaremos ao final dun camiño moi longo”, no que dende un principio os responsables do Goberno provincial defenderon as condicións laborais e os dereitos adquiridos polos traballadores da Deputación.
Ese camiño deu comezo en setembro de 2012, cando o Pleno acordou, co voto en contra dos deputados provinciais do Partido Popular, solicitar á Consellería da Presidencia que pedira ao Consello Consultivo un dictame acerca da intención da Deputación de compensar dalgún xeito a supresión desta paga sen incurrir en ningunha ilegalidade ou fraude de lei. Este compromiso materializouse nun Acordo Sindical maioritario e sen votos en contra, no que o Goberno provincial se comprometía a restituír a paga extra de decembro de 2012 o antes posible, o que vén de suceder este semana.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
