Xove, 21 de outubro de 2014.- Tarde moi agradable. Campo en perfectas condicións. 31 inscritos, cunha excelente participación Sub 16 (9 inscritos) e na Liga Senior Feminina (9 inscritas).
Liga Senior Masculina.- Segunda victoria de J. Rafael que lle permite afianzarse no liderato con 31 puntos, seguido dun Sócrates Campo moi regular que suma 25 puntos; a partir de aquí sigue un grupo de xogadores cunha puntuación moi apretada: Fran 19 puntos, Moisés e J. Manuel 17, Marcelijno 16 e Arturo 15. Estamos comezando o campionato e, polo tanto, as diferenza polo momento non son moi pronunciadas; temos a un líder que trata de por terra por medio e que, seguro, vai ser obxecto dun estreito marcaxe nas vindeiras tiradas. Segundo vai avanzando a competición os xogadores van collendo forma, afinando a súa puntería; neste sentido, xogadores considerados entre os favoritos ao podium final, como pode ser Jose Vigo, deberán mellorar moito xa que corren o perigo de quedar descolgados ás primeiras de cambio.
Liga Senior Feminina.- Primeira victoria de Carmen Roca, protagonista dunha tarde excelsa, acadando 215 tantos nas súas catro tiradas, o que lle houbera permitido quedar entre os seis primeiros da Liga Senior Masculina. Realmente non deu ningunha opción ás sús contrincantes. O segundo posto foi para a actual campiona Belén Meitín cuns moi meritorios 185 tantos; xa moito máis alonxados quedou o resto de participantes.
Pois ben, a victoria permítelle a Carmen compartir o liderato con Salomé Cardoso, ambas con 14 puntos, seguidas de Belén Meitín con 11. A tenor do xogo visto ata agora, cremos que elas tres son as principais candidatas a ocupar o podium final; pero bueno, queda moita liga por diante e inda poden cambiar moitas cousas.
Liga Sub 16.- Segunda victoria, con mellor bolada inclúida, de Daniel Alonso, que está neste comezo de temporada nun estado de forma envidiable. Estalle pegando ao bolos “de cine”; os 51 tantos que lle sacou a segunda clasificada Julia López así o avalan. Froxa a tirada desenvolta polo outro gran favorito, que xogou canso, sen ideas, o que se traduxo nuns paupérrimos 116 tantos nas catro boladas.
Despois das tres primeiras tiradas, Daniel Alonso comanda con autoridade con 18 puntos, cunha ampla vantaxe sobre os irmáns López Formoso, 8 sobre Miguel e 9 sobre Julia.
A vindeira tirada vai ter lugar no Campo Municipal de Fútbol de Xove, O VINDEIRO SÁBADO, 25 DE OUTUBRO DE 2014.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
