A Mariña, 17 de novembro de 2014.- A CIG-Ensino, diante das eleccións sindicais que se celebrarán o día 4 de decembro, presenta a súa candidatura na Mariña como garantía da defensa do ensino público e da dignificación do labor docente.
A candidatura provincial da CIG-Ensino está formada por 186 docentes dos que 47 son da Mariña. Na candidatura están representados practicamente a totalidade dos centros de ensino da comarca e conformadas por profesorado de todos os niveis educativos, ensinanzas non universitarias e diferentes situacións administrativas. Por ese mesmo motivo, é unha candidatura altamente representativa.
Balance altamente positivo
O balance que podemos facer destes catro anos é positivo en canto que foi a CIG o contrapeso fronte os ataques e recortes permanentes aos que o profesorado e o ensino público foron sometidos por parte da Consellaría de Educación. A CIG-Ensino levou a cabo nove folgas e compaxinou peches, concentracións, manifestacións con manifestos, recollida de sinaturas ou resolucións de claustros e consellos escolares. Neste tempo, a CIG-Ensino na Mariña convocou ao redor de 500 asembleas nos centros para informar ao profesorado, recoller as súas propostas e resolver as súas problemáticas tanto individuais ou colectivas.
Durante todos estes anos, a CIG-Ensino denunciou insistentemente a supresión de unidades e a redución drástica de profesorado nos centros que supuxo 83 docentes menos, a falta de especialistas principalmente de AL e PT, o incumprimento dos catálogos dos centros por parte da Consellaría, os agrupamentos de alumnado de diferentes idades que diminúen a calidade educativa, a non cobertura das baixas, a supresión de preescolar na casa ou a supresión de practicamente todas as escolas rurais que existían na comarca.
Outro fronte de batalla da CIG-Ensino foi a LOMCE que se combateu desde todos os ámbitos, ademais de participar, protagonizar, canalizar e dirixir a grande maioría da conflitividade e reivindicación educativa. “Asumimos, case en exclusiva, o traballo informativo e de mobilización nos centros e na sociedade mariñá”, lembrou Dores Fernández Abel.
Ademais, diante da falta de diálogo e de negociación coa Xunta que caracterizou este período, teñen especial relevancia os logros conseguidos vía sentenzas xudiciais gañadas pola CIG-Ensino relativas ao dereito ao recoñecemento médico anual, a ilegalidade dos concertos educativos aos centros que segregan o alumnado por razón de xénero ou o dereito ao pagamento dos trienios e o recoñecemento dos sexenios do persoal interino. Tamén a CIG logrou que se reparase o dereito do persoal docente a usar o comedor escolar e que se recoñecese o dereito a percibir a parte proporcional devindicada das pagas extras do ano 2012.
Liñas básicas do noso programa
A CIG-Ensino preséntase a estas eleccións sindicais co obxectivo de conseguir outro modelo de representación máis democrático e participativo, continuar na loita contra a LOMCE até conseguir a súa derrogación, combater o desmantelamento do ensino público e acadar restitución de todos os dereitos laborais salariais e profesionais do profesorado.
Neste sentido, algunhas das propostas básicas do programa son a ampliación dos cadros de persoal que garantan especialistas e orientadores en todos os centros, a redución de alumnado por aula (ata un máximo de 15 en educación infantil, 20 en primaria e 25 en bacharelato), a derrogación do decreto de plurilingüismo, a reposición de todas as prazas vacantes, a elección democrática das direccións, a dotación de administrativos e de servizo de comedor en todos os centros ou o restablecemento da gratuidade dos libros de texto e do material didáctico no ensino obrigatorio.
A importancia destas eleccións sindicais
A CIG pídelle ao profesorado da Mariña renovar o voto de confianza que lle deu hai catro anos, que foi dun 43%, para conseguir un ensino público, galego, coeducativo e democrático ao que se lle adique o 7% dos orzamentos anuais da Xunta.
A importancia destas eleccións radica en que non so medirá a representatividade do profesorado senón o grao de rexeitamento da política educativa da Consellaría e do conselleiro Jesús Vázquez. “O voto á CIG-Ensino é un voto contra os ataques ao ensino público da actual Consellaría e un voto a favor de restituír os dereitos do profesorado e facer unha escola normalizada lingüisticamente, máis democrática e cun ensino de maior calidade”, declarou Dores Fernández Abel.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Trátase dun espazo de 33,5 metros cadrados situado nun inmoble da rúa Rosalía de Castro da localidade. O delegado territorial de Lugo, Javier Arias, e a alcaldesa de Viveiro, Mariña Gueimunde, formalizaron a entrega, que se fai en réxime de alugamento. Arias puxo en valor a colaboración entre a Xunta e as entidades locais para mellorar os servizos públicos que prestan no ámbito municipal.
"Consideramos que non estaría de máis a instalación dunha papeleira fixa na zona, co fin de mellorar a conservación do espazo". "Así mesmo, para quen corresponda, sinalamos que os eucaliptos situados no cantil representan un perigo evidente, tanto pola súa inestabilidade como polo risco que supoñen para as persoas".
O concelleiro de Mocidade, Francisco José Silvent, explicou que “ayer, jueves 10 de julio, pudimos disfrutar en la playa de Os Bloques de una tarde super entretenida desde las cuatro hasta las siete. Contamos con hinchables acuáticos, donde todos los ribadenses y visitantes disfrutaron de una tarde increíble”. O edil ribadense engadiu; “os esperamos porque habrá más juegos en la playa de Os Bloques. Desde la Concellería de Mocidade seguimos apoyando y dinamizando este fantástico verano”.
As personas interesadas en adquirir este número poden poñerse en contacto con algún membro de Esperanza para facerse co décimo, xa que serán as persoas da directiva da Asociación as que leven a cabo directamente a venda dos mesmos, e para iso o local do colectivo estará aberto todos os mércores deste mes de xullo de seis a oito da tarde
Ata o 12 de xullo, mozos e mozas poderán gozar, aprender e mellorar a súa técnica nun ambiente divertido e seguro. Está organizado pola FEGAN (Federación Galega de Natación) en colaboración co Concello de Cervo, este campus aposta polo deporte e a formación.
O alumnado pertence aos cursos subvencionados pola Xunta de Galicia, que se imparten en Academia A Mariña, “ao finalizar a formación conseguirán a titulación oficial”, explica Becky Hermida, directora de Academia A Mariña.
