Burela, 5 de novembro de 2014. A Concellería de Servizos Sociais, Muller, Igualdade e Sanidade convoca o IV Concurso de Lemas e o VIII Concurso de Microrrelatos con motivo da celebración o vindeiro 25 de novembro do día internacional para a eliminación da violencia contra as mulleres. A recepción de traballos remata o 19 deste mes.
O obxectivo do IV Concurso de Lemas é “transmitir a través de mensaxes curtas a importancia da educación en igualdade e da necesidade da eliminación da violencia contra as mulleres”, segundo explica Diana Durán. Nesta cita poderán participar todas as persoas empadroadas en Burela e cada unha pode enviar ata un máximo de 5 lemas, que deberá remitir á seguinte dirección de correo electrónico: cim@burela.org, indicando que é para o IV Concurso de Lemas e incluíndo o seu nome completo, número de teléfono e unha dirección de email á que se poida responder. O prazo de entrega rematará o 19 de novembro.
“O lema debe constar de sete palabras como máximo e debe ser o suficientemente significativo e estar relacionado co tema proposto. Entre todos os enviados escollerase un, que será o que distinguirá a celebración do día internacional para a eliminación da violencia contra as mulleres no 2015”, segue a contar a concelleira de Muller e Igualdade.
No VIII Concurso de Microrrelatos tamén poderán participar todas as persoas empadroadas en Burela. Nas bases establécense dúas categorías: menores de 18 anos e de 18 en diante. Os dous gañadores recibirán sendos agasallos valorados en 75 euros, cada un. A temática deberá axustarse ao tema proposto. Os traballos deberán ser inéditos e non presentados en anteriores concursos. Deberán estar en tamaño A4, cunha extensión máximo de medio folio, preferiblemente en times new roman, tamaño 12, en lingua galega segundo a normativa vixente e, no caso de ser posible, en soporte informático. Os orixinais, asinados cun pseudónimo, quedarán en poder do CIM do Concello de Burela, que se reserva o dereito da súa publicación, exposición, doazón… ou calquera outro tratamento posterior, sempre sen ánimo de lucro. Os traballos deben presentarse antes do 19 de novembro no CIM, nun sobre ao que se axuntará outro pechado no que figurarán os datos da persoa autora.
Os nomes dos gañadores de ambos concursos: Lemas e Microrrelatos daranse a coñecer no acto público que se celebrará o 25 de novembro na Casa do Concello para conmemorar o día internacional contra a violencia de xénero.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
