O voceiro provincial socialista, Manuel Martínez, aclarou este mércores que “o Partido Popular tivo resposta a todo o que preguntou dun xeito áxil e totalmente transparente, feito sen precedentes nas administracións gobernadas polo PP. De feito, facilitóuselle máis información da solicitada, posto que o Goberno Provincial da Deputación de Lugo non ten ningún inconveniente en abordar este e outros asunto”.
Resposta áxil. A intervención xudicial do Xulgado de Instrución número 1 de Lugo foi o venres, data na que o Presidente estivo, dende as 10:00 da mañá e ata as 22:30 horas, con veciños lucenses que se ven na obriga de facer 400 quilómetros para recibir Radioterapia na Coruña, porque a Xunta segue sen dotar a Lugo deste servizo, sendo a única provincia galega que non o ten. A primeira hora do luns, Gómez Besteiro solicitou a súa comparecencia voluntaria no Pleno para dar conta á Corporación da actuación xudicial. Posteriormente, o PP presentou unha moción de urxencia, solicitando, exclusivamente, a comparecencia do Presidente para explicar os feitos do venres, 21 de novembro.
Totalmente transparente. O Presidente deu toda a información da que dispón a Deputación de Lugo, respectando, tal e como obriga a lei, o segredo sumarial .
Máis información da solicitada. Só polo feito de que o Partido Popular mencionaba na súa moción de urxencia outras actuación xudiciais, Gómez Besteiro tamén detallou toda a información da que dispón a Deputación de Lugo sobre as mesmas. Fíxoo logo de defender que “estas comparecencias deben facerse con total normalidade e transparencia, sen ánimo, loxicamente, de ocultar ningún tipo de información. Por iso, non teño ningún inconveniente en abordar a situación xudicial doutros asuntos sobre os que fan mención o PP no escrito urxente que presentou”
Regulamento Orgánico. Todo o funcionamento da Deputación de Lugo se rexe polo seu Regulamento Orgánico, aprobado por unanimidade polos tres grupos políticos (PSOE, BNG e PP) e de acceso público en www.deputacionlugo.gal. A comparecencia é a única fórmula do Regulamento Orgánico para as intervencións extraordinarias de calquera membro da Corporación no Pleno. O artigo 135 do Regulamento apunta textualmente: “A comparecencia ante o Pleno dun membro da Corporación que teña responsabilidade nunha determinada Área ou Servizo será obrigatoria se o Pleno así o acorda. A petición, debidamente motivada incluirá as preguntas que se formulen. Unha vez acordada a comparecencia polo Pleno, o/a presidente/a incluirá na Orde do Día da seguinte sesión ordinaria que celebre, comunicando ao interesado as preguntas que se lle formulen sobre a súa actuación cunha antelación mínima de cinco días á celebración da devandita sesión. No desenvolvemento das comparecencias seguirase o procedemento establecido nos artigos 130 e seguintes do presente Regulamento e deberá aterse expresamente ás preguntas formuladas”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
