Cervo, 13 de novembro de 2014- A edil de Servizos Sociais amosouse preocupada polas declaracións do PSOE de Cervo, que asegurou nun comunicado que “son moitas as familias que están atravesando por unha difícil situación”. Armada explica que “os socialistas dan a ver que coñecen moitos casos de persoas con dificultades pero aínda así non dan traslado ao departamento de Servizos Sociais”, o cal sería unha “irresponsabilidade moi grave”. “Tamén podería ser o caso de que estivesen mentindo para crear alarma social e dar unha mala imaxe do municipio, o cal tamén sería preocupante”, engade a edil.
Armada reitera unha vez máis que “os casos de emerxencia social que coñecemos ou que chegan ao departamento de Servizos Sociais son atendidos”. Ademais, o Concello está en contacto constante coas entidades sociais, como Cáritas, e colaborando con elas.
Por iso, para Armada, estas críticas só teñen unha explicación: “Aos socialistas moléstalles que no Concello de Cervo teñamos máis sensibilidade social que outros concellos gobernados polo PSOE, ao igual que non lles gusta que sexamos pioneiros en medidas de fomento do emprego, como as bolsas formativas ou o plan de formación dual”. De todos os xeitos, “o grupo socialista tería que ruborizarse ao falar de emprego, xa que a súa portavoz votou para deixar aos veciños de Cervo fóra do plan de emprego da Deputación”.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
