Cambio de líder na Liga de Bolos de Xove

Novo líder na categoría Sénior Masculina da Liga de Bolos de Xove tras a tirada de Vilachá. Rafael González perde o liderato -ó non participar nesta tirada- a favor de Arturo Vigo, que con 2 victorias e 2 segundos postos encabeza a clasificación con 47 puntos. Rafael González pasa á segunda posición que agora comparte con Sócrates Campo, ambos con 43 puntos. Francisco Pérez con 40 e Moisés Rodríguez con 39 puntos, mantéñense á expectativa. A este grupo súmase o vixente campión Álex Meitín con 35 puntos grazas a victoria obtida nesta tirada. Polo tanto, moita igualdade no grupo e cabeza. Hai anos que non está tan reñida a clasificación, polo que auguramos unhas próximas tiradas moi competitivas. Os favoritos están a xogar a un altísimo nivel, con poucos fallos.

Liga Sénior Feminina
Grazas á súa victoria, Belén Meitín accede á segunda posición da táboa en detrimento de Salomé Cardoso; de todas formas, xornada positiva para ambas xa que consiguen recortarlle puntos á líder, que unha semana máis é Carmen Roca, agora con 32 puntos, con 3 e 4 puntos de vantaxe con respecto ás súas inmediatas perseguidoras. Este triunvirato está abrindo unha brecha moi importante co resto das participantes, onde o que se augura é que posto acadará cada unha das tres ao final. Se vemos o tanteo obtido nesta tirada de Vilachá polas 3 primeiras (Carmen, Salomé e Belén) con respecto ao resto das participantes, observamos que hai todo un abismo; Carmen que quedou terceira con 246 tantos, sacoulle 105 tantos á cuarta clasificada. Agora mesmo as tres están a xogar a un nivel superior ao resto.

Liga Sub 16
Nesta Liga non hai cambios significativos. O máximo interés está en cantos tantos lle vai a sacar o líder Daniel Alonso ao resto dos competidores. Nesta tirada de Vilachá Miguel López cáseque consigue sorprender ao líder, pero fallou ao final, xa que puido a presión con él, encolléndoselle o brazo nas boladas decisivas. Gustaríanos moito que Miguel se recuperara xa que pensamos que non está a dar todo o que pode, xogando neste intre a un nivel inferior aos das súas capacidades reais.
Coma noutros deportes, o entrenamento tamén é importante nos bolos; neste sentido, agora sabemos que Daniel López estivo realizando entrenamentos intensivos durante este pasado verán co seu avó José López “o catalán”, un gran xogador xa retirado e que agora está a apoiar ao seu neto. Estas son as cousas que nos enchen de satisfacción, cando vemos que os saberes se transmiten entre xeneracións.

A vindeira tirada deberíase celebrar no campo do Centro Social de MORÁS, ESTE SÁBADO, 22 DE OUTUBRO DE 2014.