Burela, 24 de novembro de 2014.- A delegada territorial da Xunta, Raquel Arias, explicou hoxe en Burela que a Xunta de Galicia loita contra a violencia de xénero con medidas transversais que procuran “a rehabilitación integral, física e psicolóxica, e a integración laboral e social das vítimas”.
Arias realizou esta afirmación nunha xornada de loita contra a violencia de xénero organizada pola asociación de Mulleres en Igualdade de Burela, onde explicou os distintos recursos educativos, sanitarios, xurídicos, asistenciais, económicos e laborais que ten en marcha a Xunta, coordinados pola Secretaría Xeral da Igualdade.
Ao respecto, incidiu unha vez máis na necesidade de denunciar as situacións de maltrato ou cando menos contactar cos servizos sociais, “o que pode facerse mediante unha chamada de teléfono ao 016 ou ben ao teléfono da Muller da Xunta, o 900 400 273, que funciona as 24 horas do día e informa sobre cuestións como a violencia de xénero, acoso sexual, separacións, divorcios, abandonos do fogar ou sentencias incumpridas, entre outras”.
A delegada informou de que no primeiro semestre do 2014 presentáronse en Galicia 2.569 denuncias por maltrato, e no que vai de ano os xulgados galegos comunicaron 694 medidas de protección, entre medidas cautelares e ordes de protección e afastamento.
Así mesmo, a día de hoxe 336 mulleres vítimas de violencia de xénero en Galicia están percibindo algún tipo de axuda económica da Xunta de Galicia, que recentemente incrementou en algo máis de 345.000 euros o crédito para axudas periódicas –as que se conceden por un período de ata doce mensualidades- para as mulleres que non poden afrontar unha independencia inmediata do seu agresor.
Polo que respecta aos recursos asistenciais, a delegada referiuse ao plan de atención integral á saúde para as mulleres vítimas de malos tratos, que inclúe asistencia sanitaria e psicolóxica ou aos programas de atención específicos para mulleres inmigrantes en situación de prostitución ou trata con fins de explotación sexual.
Na mesma liña, lembrou que a Xunta abriu este mesmo verán en Santiago de Compostela o Centro de Recuperación Integral para mulleres que sofren violencia de xénero, o segundo centro público desta características que bota a andar en todo o Estado.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
