Vista Alegre prepárase para acoller este sábado a festa do fútbol sala lugués na elite por excelencia coa décima xornada de Primeira División LNFS. O Burela FS Pescados Rubén recibirá o Prone Lugo AD ás 17.00 horas, ante os obxectivos de TVG2.
A bomboneira mariñá vivirá un derbi de contrastes. O Burela FS pelexará por manter a boa dinámica e sumar a súa cuarta vitoria consecutiva fronte ao conxunto da capital, que pecha a táboa, sen puntos.
“En días coma o de mañá é cando máis precisamos do grande ambiente e gran apoio da afección de Vista Alegre. É un encontro especial, de gran responsabilidade; xogámonos tres puntos moi importantes na casa e con baixas importantes” adiantaba Juanlu advertindo da perigosidade dos derbis e do Prone: “Medímonos a un rival mellor do que indica a clasificación que chegará a Burela moi motivado pola rivalidade que sempre se respira nos derbis e con ganas de puntuar”.
No vestiario laranxa, Juanlu non poderá contar nin con Jorge Bellvert, por unha rotura fibrilar no bíceps femoral, nin con Ángel, por unha contractura; tampouco estará dispoñible Miguel, que evoluciona favorablemente da contusión ósea que o mantén afastado das pistas dende hai algunhas xornadas, con posibilidade de entrar nos adestramentos grupais a partir da próxima semana. Xunto a Renato e Hélder, tamén entrarán na convocatoria o meta Erik e o ala Pancho.
Convocatoria Burela FS Pescados Rubén: 1. Edu, 5. Iago Míguez, 7. Isi, 10. Matamoros, 11.Chano, 13. Álex, 17. Carlitos, 19. Erik, 23. Antoñito, 27. Renato, 28. Pancho, 30 Hélder
Convocatoria Prone Lugo AD: 1-Óscar Iglesias, 2- Mimi, 5- Diego Núñez,7-Iago Rodríguez,8-N.Pedraza,9-Antonio Diz,10- Alex Diz,11-Javi Río, 13-Illi, 14-Rubén Mouriz,17- Manuel Marìa y 20-Adrián
XXIV Copa Galicia
O Burela FS Pescados Rubén entra en cuartos de final da Copa Galicia para medirse ao vigués Mosteiro Bembrive FS, de Segunda B, co que xa coincidiu na Copa do Rei. O pase á seguinte rolda decidirase a partido único, con data pendente de confirmación.
*Foto: A Caixa Escura Producións.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
