Lourenzá, 22 de decembro de 2014. A Concellería de Educación e Cultura de Lourenzá acaba de presentar a súa programación lúdica de Nadal para os máis pequenos. Entre os actos máis importantes destacan: a visita de Papá Noel á vila este martes 23 de decembro; a realización de diferentes obradoiros de xogos no Ximnasio Multiusos, os días 22, 23, 26, 29 e 30; a actuación de Cantos de Nadal, o domingo 28 de decembro na Igrexa de Santa María de Valdeflores; e a petición do aguinaldo por parte dos nenos laurentinos, o luns 2 de xaneiro, nos diferentes comercios e domicilios particulares da vila. Os actos rematarán coa celebración da tradicional Cabalgata dos Reis Magos o luns 5 de xaneiro, que partirá da parroquia de San Xurxo para percorrer primeiro o val de Lourenzá e chegar finalmente a Vilanova ás 18.30 horas para levar a cabo o desfile polas rúas da vila.
A concelleira de Educación e Cultura de Lourenzá, Lupe Flórez Seivane, adiantou: “dende a Concellería de Educación vimos de presentar a programación que para este Nadal pretende ter entretidos aos máis pequenos deste concello. Dentro destas actividades incluímos actos que se deseñan dende a propia Concellería así coma outras actividades que nos chegan ao noso Concello organizadas a través de distintas entidades e asociacións. Por unha parte comezaremos esta programación de Nadal para os máis pequenos de Lourenzá coa visita de Papá Noel, que será este martes. Comezará, como ven sendo habitual nos últimos anos, co seu percorrido visitando o Centro de Día laurentino, onde atenderá aos máis maiores do noso concello e aos usuarios de dita entidade, e dende alí trasladarase ao Punto de Atención á Infancia, onde recibirá aos máis pequeniños da nosa vila. Posteriormente, e unha vez rematen esas dúas visitas, instalarase coma sempre na Casa da Cultura, na Sala de Exposicións do Concello, onde a partir máis ou menos das 18.00 horas recibirá cunhas lambetadas a todos aqueles nenos que se acheguen a saudalo, a entregarlle as súas cartas e a facer as súas últimas peticións. Como novidade este ano, vamos contar cun grupo de monitores que intentarán facer máis amena esta espera dos nenos que agardan a que Papá Noel os atenda, con actividades de globofexia e maquillaxe facial. Finalmente, unha vez remate esta recepción de Papá Noel, veremos un filme infantil, que será proxectado no Salón de Actos”.
A responsable da área de Cultura laurentina recordou que “ao longo destas vacacións de Nadal, que deron comezo o venres 19 no que se refire ao calendario escolar, temos tamén a opción de que os máis pequenos estean entretidos cunha serie de obradoiros de actividades e xogos de Nadal. Nesta ocasión son organizados polo Ximnasio Multiusos de Lourenzá e están dirixidos a nenos de 5 a 15 anos. Todo aquel que desexe informarse pode facelo poñéndose en contacto co xerente do mesmo, Brenan, no teléfono 690 181 032. Serán os días 22, 23, 26, 29 e 30 de decembro así coma o 2 de xaneiro. Teremos tamén outra serie de actividades que organiza a asociación cultural Osorio Gutiérrez, xestora da escola Municipal de Música e Danza Osorio Gutiérrez de Lourenzá. Trátase, por unha parte, dos Cantos de Nadal, que terán lugar o domingo 28 de decembro ás 19.00 horas na Igrexa de Santa María de Valdeflores de Lourenzá. E, por outra parte, a petición do tradicional aguinaldo polas rúas da vila, que comezará arredor das 6 da tarde e percorrerá algunhas das rúas do municipio o luns 2 de xaneiro. Ao final deste percorrido, os nenos van degustar un chocolate acompañado da merenda das cousiñas que lles irá entregando a xente dos distintos negocios e particulares. Será nas instalacións do Mercado Gandeiro. Tanto os cantos de Nadal coma esta petición do aguinaldo están organizados pola asociación cultural Osorio Gutiérrez”.
Lupe Flórez destacou que “como peche á programación cultural de Nadal teremos a Cabalgata de Reis, que será na tarde do luns, 5 de xaneiro. Nesta ocasión temos o tradicional percorrido que recorre o val de Lourenzá, como fixemos estes anteriores anos. O primeiro ano comezaba en San Adriano, o segundo en Santo Tomé e nesta ocasión comezaremos o percorrido desta cabalgata na parroquia de San Xurxo. Os reis magos acudirán San Xurxo e alí terán a oportunidade de escoitar un pequeno recital de panxoliñas do Coro Parroquial de Lourenzá. Finalmente trasladaranse na carroza ata Santo Tomé, onde fronte a Igrexa farán unha pequena parada para saudar aos nenos que estean alí agardándoos, e finalmente este recorrido do val terminará na parroquia de San Adriano. Alí, fronte ao campo da Igrexa Parroquial, terán a oportunidade de facer unha breve visita aos nenos que alí os estean agardando. Unha vez rematado este percorrido polo val baixarán á vila, onde a partir das 18:30 horas está previsto que fagan o tradicional recorrido polas rúas da vila Finalmente teremos unha actuación no calón de actos, que está pendente de determinar”.
A concelleira de Cultura rematou animando “a todas aquelas persoas que queiran informarse desta programación de Nadal a que nos vindeiros días permanezan atentos tanto aos perfís de redes sociais no twitter e no facebook do Concello como a nosa páxina web: www.concellodelourenza.es, onde van a ir sendo detalladas diariamente estas actividades que se propoñen para celebrar o Nadal en Lourenzá”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
