Ribadeo, 16 de decembro de 2014.- A tenda de paquetería, fogar e mercería Casa Vicente, de Ribadeo, acaba de trasladarse ao número 51 da rúa Reinante (fronte ao centro de saúde) co obxectivo de mellorar e de ofrecer unhas instalacións máis modernas e amplas á súa fiel clientela, tal e como explica a súa propietaria, Rosa Azucena Fernández Martínez.
Ela é a segunda xeración á fronte dunha tenda, Casa Vicente, que puxo en marcha en 1951 nesa mesma rúa de Ribadeo o seu pai, Vicente Fernández Sánchez, que ten 93 anos e que conta que este é o quinto local que ocupa o establecemento e sempre nesta vía. Vicente Fernández chegou a Ribadeo con 28 anos procedente Das anzas e sinala que na tenda naqueles primeiros anos se vendían camisas, camisetas, medias de punto inglés de algodón (anteriores ás medias de cristal), refeixes, chapos de la, etcétera. Vicente Fernández recorda que “un par de calcetíns na década dos 50 se podía adquirir por 10 pesetas, mentres que hoxe o prezo medio pode oscilar entre os 3,90 e os 4 euros”.
Tanto Vicente Fernández coma a súa filla Rosa destacan o carácter fiel e a bondade da súa clientela: “moitos foron os que se ofreceron ao longo destes días para axudarnos co traslado e estamos moi agradecidos por iso”. Os dous sinalan que “con este cambio volvemos un pouco ás nosas orixes, porque a tenda xa estivo neste tramo da rúa Reynante hai tempo. Agora retornamos tras pasar varios anos na mesma vía, pero fronte á praza de abastos”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
