Aurelio Fernández Joglar, empregado de Alcoa en San Cibrao, foi seleccionado entre todos os empregados da multinacional no mundo, para recibir o premio que recoñece a súa alta participación en labores de voluntariado promovidas por Alcoa. Este Recoñecemento está dotado cun premio económico de 1000 dólares, ademais do correspondente Certificado.
As tarefas que realizou Aurelio como voluntario abarcan todos os campos, desde os relacionados co medio ambiente, como limpeza de ríos e praias, colaboracións con diferentes asociacións e entidades como colexios, residencias para maiores, etc, ata os relacionados co deporte. Toda unha ampla gama de actuacións que serven para deixar claros o compromiso, a solidariedade e os valores humanos de Aurelio, que o fan sen ningunha dúbida merecedor deste premio.
E para deixar patente o nivel de compromiso e o altruismo de Aurelio coas Asociacións da súa contorna, decidiu doar o total do premio á Asociación de senderismo Pasada dás Cabras de Burela, coa que colabora habitualmente formando parte da directiva da Asociación. A donación, que se fixo efectiva durante a cea anual celebrada o pasado fin de semana, supuxo un motivo de orgullo para todos os integrantes de Pasada dás cabras, ao poder contar con Aurelio entre os seus membros.
*Foto: Aurelio entrega o cheque de 1.000 dólares ó presidente de Pasada das Cabras, José Antonio Armesto.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
