Lugo 15 de decembro de 2014.- Logo das declaracións verquidas polo Secretario Xeral do PSdeG e presidente da Deputación de Lugo, o presidente provincial, José Manuel Barreiro, insta a Gómez Besteiro a atender a provincia e abandonar a súa e xa coñecida rutina: andar de viaxeiro para promocionarse, facer de mercader nalgunha ocasión e utilizar a Deputación única e exclusivamente para o seu beneficio persoal e círculos próximos.
Barreiro atribúe as declaracións de Gómez Besteiro ao dito “atrevida é a ignorancia” e afirma que “este señor leva tanto tempo en guerras internas e abandonando a Institución que representa que descoñece o que sucede na provincia de Lugo”.
Lugo: provincia con máis inversións por habitante
O líder dos populares lucenses acusa ao Secretario Xeral do PSdeG de “cara dura” e lémbralle que o último ano de Goberno bipartito, encabezado polo socialista Pérez Touriño, achegaba un investimento moito menor en tempos de bonanza fronte ao esforzo inversor do actual Goberno galego nun periodo de dificultade económica.
“O Executivo que encabeza Núñez Feijóo multiplicou por dous o investimento por habitante na provincia”- manifestou Barreiro, quen afirmou que fronte aos 374 euros por habitante previstos no último Orzamento elaborado en 2009 polo bipartito, pasouse aos 732 euros por habitante das contas autonómicas para este ano.
Neste senso Barreiro salientou o incremento do 64% nas achegas da Consellería de MATI para o 2014 e destacou os 37 millóns de euros máis na provincia lucense, que disporá de 42,25M€ en investimentos para estradas, e puxo en valor a partida orzamentaria para a VAP Sarria- Monforte, de 18,87M€, producíndose unha suba de 11 millóns de euros con respecto ao ano pasado. Tamén citou os 9,64M€ para o corredor Celeiro e San Cibrao.
Barreiro asegura que cando o Secretario Xeral do PSdeG fala de líos refírese á propia situación que vive no seu partido posto que dende que o señor Besteiro foi nomeado Secretario Xeral do PSOE galego, fai máis dun ano, a situación do seu partido, lonxe de mellorar cun líder novo, fóiselle das mans: crisis no Goberno de Ourense, no grupo municipal en Ferrol, o caso dos pisos patera no partido en Santiago, problemas en Foz, liortas en O Valadouro…
Esta situación, di Barreiro, que pon de manifesto que as ilusións de Besteiro, de querer ser o Mesías do PSOE galego veuse abaixo e eso de levar os tempos de paz interna e victorias para o PSdeG, convertiuse en papel mollado tras asumir o seu cargo.
Conclúe Barreiro retando a Gómez Besteiro a ocuparse do que lle compete, é dicir, atender a Deputación que preside e a traballar polos lucenses e a deixar de enganar a cidadanía con afirmacións falsas.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
