Dende Foz, Plataforma de Futuro continúan dando pequenos pasos no seu funcionamento. “Despois de conquerir o obxectivo que nos propuxemos para poder concurrir ás vindeiras eleccións municipais, que foi o da recollida de 656 avales, agora daremos un paso máis desgranando as liñas mestras da transformación política que continuamos a deseñar para Foz e decidimos presentar a todos os veciños e veciñas do noso Concello a Plataforma veciñal”.
“Dende as nosas primeiras xuntanzas, este movemento crece exponencialmente en apoios e avanza nas súas irrenunciables propostas cara a consecución dunha nova alternativa política de participación, representación e transparencia para o noso pobo”.
Por todo isto, convidan a todos os veciños e veciñas do Concello ó acto de presentación de “Foz, Plataforma de Futuro” que terá lugar no salón de actos da Casa da Cultura de Foz o vindeiro sábado 27 de decembro ás 18.00 horas.
Con este acto “queremos marcar un antes e un despois, falaremos dos nosos inicios, falaremos da actualidade da Plataforma e remataremos falando das liñas mestras que debe ser o noso futuro e o futuro dos nosos veciños e veciñas do noso Concello”.
“Cremos noutra forma de facer política, na que os veciños e veciñas sexan os verdadeiros protagonistas, queremos que a política do noso Concello se faiga dende aquí, e que non se faiga pensando en beneficios persoais, nin en beneficio das siglas de ninguna formación. Cremos non só nas palabras, senón nos feitos, por iso cremos na PARTICIPACIÓN CIDADÁ, cremos na TRANSPARENCIA e cremos na REXENERACIÓN DEMOCRÁTICA DO NOSO CONCELLO”.
“Somos ilusión, polo tanto, cantos máis sexamos o vindeiro 27 de decembro, máis ilusión xeraremos”, conclúe Sixto.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
