O Salón de Plenos do Concello acolleu este venres a presentación do PROGRAMA DE ACTIVIDADES NADAL 2014-2015 e do CALENDARIO 2015 a cargo de José Demetrio Salgueiro, Alcalde de Xove e da Concelleira de Cultura, Dolores Meitín. Na presentación do Calendario tamén estiveron presentes algúns dos fotógrafos de Xove que participaron na elaboración do mesmo.
En colaboración coa Cruz Vermella, a OMIX de Xove recolle xoguetes ata o 16 de decembro. Así mesmo, recollen tapóns de plástico para colaborar coa Fundación Seur.
Xa o xoves 18 de decembro o pavillón polideportivo recibirá pola mañá ós Bolechas nun actividade organizada por Alcoa para os nenos e nenas de Xove e Cervo. O venres 19, Papá Noel visitará a Escola Infantil de Xove; mentres que o sábado 20 percorrerá as parroquias. Ás 19.00 horas inaugurarase o Belén Municipal no parque de Xove. E o domingo 21 haberá teatro no Centro Cívico a partir das 20.00 horas da mana da Fundación Eu Son que porá enrriba do escenario “Un día do revés”.
O luns 22 haberá xogos infantís para nenos e nenas de ata 4º de Primaria na aula multideportiva dende as 10.30 ás 11.30 horas. Posteriormente, ata as 12.30 horas haberá aerobic para os nenos dende 5º de Primaria ata a 4º da ESO. Os interesados deberán inscribirse no Concello antes do 18 de decembro. De igual xeito haberá que inscribirse ata esa data para os obradoiros de manualidades que se desenvolverán o martes 23 de 11.00 a 13.00 horas dirixido a rapaces e rapazas de 3º a 6º de Primaria.
O xoves 25 ás 17.00 horas haberá un espectáculo de animación “A Bailar” con chocolatada no pavillón municipal que rematará cun karaoke infantil. Pola súa banda, o venres 26 o artista local Xacio Baño presenta 4 curtas ás 19.00 horas no salón do Centro Cívico. E na OMIX, os rapaces e rapazas de entre 12 e 30 anos poderán participar -previa inscrición antes do 23 de decembro- nun torneo de tenis de mesa.
E de novo o karaoke será protagonista o sábado 27 no pavillón de deportes onde a partir das 21.30 horas se celebrará o IV Concurso de Karaoke. Os ensaios desenvolveranse entre as 17.00 e as 19.00 horas. As inscricións deben formalizarse na oficina de Cultura antes do 26 de decembro. O luns 29, repetiranse as actividades do luns 22 e o martes 30 haberá un taller de globoflexia na OMIX para rapaces e rapazas de 3º a 6º de Primaria de 11.00 a 13.00 previa inscrición no Concello ata o 18 de decembro. Tamén co mesmo horario se desenvolverá un obradoiro de manualidades o venres 2 de xaneiro dirixido ó mesmo público.
Día do Neno
O sábado 3 de xaneiro é o Día do Neno. Haberá xogos acuáticos na piscina municipal de 11.00 a 14.00 e de 16.30 a 19.30 horas. E no pavillón haberá inchables entre as 16.00 e as 20.00 horas.
Cabalgata de Reis
O luns 5 de xaneiro a partir das 19.00 horas celebrarase a Cabalgata de Reis polas rúas de Xove. Á chegada ó Centro Cívico as Súas Maxestades adorarán ó neno Xesús e sacaranse fotos cos nenos. A xornada rematará no pavillón de deportes cunha festa infantil a partir das 20.00 horas animada por DJ Tapi-decibelios.
Curso “Música no Nadal”
A Escola Municipal de Música de Xove organiza a o curso “Música no Nadal” no colexio de Palmeiro entre o 21 e o 23 de decembro que rematará ás 20.00 horas no salón de actos do Centro Cívico co tradicional concerto de Nadal.
Fotografía Artística
A sala de exposicións do Centro Cívico acolle entre o venres 19 de decembro ata o luns 5 de xaneiro a exposición fotográfica de L. Cristian Carabali Ferigra que se poderá ver en horario de 17.00 a 21.00 horas.
Por unha banda, o artista uruguaio Daniel Drexler fai parada en Mondoñedo dentro da súa xira europea. Este venres desde as 21:30h. É a primeira vez que a Horta de Galiana recibe a un artista internacional. E xa o sábado, o mindoniense Jorge Santamarina fará as delicias dos asistentes cunha noite de tangos desde as 22h.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
A exposición poderá visitarse ata o 30 de Setembro.
A Deputada de Economía, Recadación, Facenda e Especial de Contas, Carmela López, participou na presentación da décimo terceira edición do Festival Aturuxo de Bravos, que tivo lugar na Sacabeira, en Sargadelos (Cervo), xunto á presidenta da Asociación Cultural Aturuxeiros, Carmen Rivera. O festival celebrarase os días 18 e 19 de xullo no concello de Ourol, coa colaboración da Deputación de Lugo, que achega 5.000 euros para apoiar a organización desta cita xa consolidada dentro do calendario cultural da Mariña. Nesta edición, o cartel inclúe concertos de Sonoro Maxín, Belém Tajes, Filophóbicas ou Zeltia Irevire, entre outros artistas.
Este dispositivo, deseñado e fabricado polo persoal de Sargadelos contribuirá a facer máis atractiva a visita ao complexo socio-cultural. Conxunto integrado pola fábrica, o museo de cerámica, o horto dos alieníxenas, a piscina dos desenganos, a taberna dos irmandiños e diversas esculturas e dispositivos emprazados nos terreos da propiedade.
Nova edición dos mércores de natureza polo Río Sor, este 16 de xullo ás 11h, partindo do porto do Vicedo (Inscrición no 982 59 01 95). O mesmo día ás 20:30h na Casa da Cultura charla sobre os microbios nos alimentos co profesor Antonio Juárez. Xa o venres nos exteriores da Casa da Cultura nova visita da furgoneta de Galicia Sabe aMar que permitirá probar pinchos mariñeiros para resaltar as propiedades dos nosos peixes. Para rematar o domingo a I Marcha contra o cancro partindo desde a ponte vella e rematando no parque da Casa da Cultura. Inscricións durante toda esta semana na Casa da Cultura. Ademais de todo esto, Os do 21 organizan o seu festival 'Lembranzas' o sábado ás 19:30h no seu local social.
Na presentación do cartaz estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 do mediodía dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
