Madrid, 17 de decembro de 2014.- O Partido Popular votou en contra da moción presentada polo Grupo Parlamentario Socialista e defendida esta mañá por Ricardo Varela no Senado para garantir o futuro de Alcoa. Deste xeito, demóstrase, tal e como critica o senador lucense, que os representantes do PP na Cámara Alta “renuncian explicitamente” a levar a cabo calquera iniciativa que vaia encamiñada a esixir ao Goberno a continuidade desta factoría, así como o mantemento dos postos de traballo que xera na actualidade.
“Temos que lamentar profundamente que o PP tumbase a nosa proposta. O que pediamos era unha solución inmediata para as plantas ameazadas de peche e unha solución de futuro para dar estabilidade a todo o grupo Alcoa, e que permita novos investimentos para a súa modernización e competitividade. Claramente, o Partido Popular ensañouse, unha vez máis, cos traballadores deste país e demostra ter unha vontade política nula para incentivar o emprego”, subraia.
A poxa, “unha ruleta rusa”
E é que a alternativa da poxa que plantexa o Goberno, destaca o socialista, é “unha ruleta rusa anual que un ano ou outro dará un tiro mortal á factoría se non se cambia o método de abaratamento dos custes enerxéticos”. Proba delo, lembra, é que Alcoa trala primeira venda de incentivos de interrompibilidade non acadou os correspondentes aos dous paquetes de 90 Mw e os oito de 5 Mw, necesarios para manter as axudas recibidas o pasado ano, e reducir así o custo enerxético ata alcanzar cifras competitivas no mercado internacional. “Foi, precisamente, por este motivo, polo que plantexou un expediente de despido nas instalacións de A Coruña e de Avilés.
“Non se trata de reclamar un trato de favor para a empresa, senón de aceptar unhas condicións semellantes ás do ano pasado, permitindo a viabilidade destas fábricas”, engade.
Ofensiva do PSOE
A moción defendida por Varela resposta á ofensiva iniciada polo Partido Socialista a principios de decembro, a través do rexistro de numerosas iniciativas no Parlamento de Galicia, no Congreso e no Senado para denunciar a situación pola que atravesan as grandes empresas consumidoras de enerxía. Precisamente, esta mesma tarde debaterase a iniciativa presentada na Cámara galega.
E é que entre outras medidas, os deputados promoveron a comparecencia do ministro Soria, pediron explicacións ao Goberno sobre o prezo ao que a Rede Eléctrica Española adxudicou o servizo de interrompibilidade a cada unha das empresas que participou na poxa celebrada o pasado mes de novembro e, a semana pasada, a deputada Margarita Pérez Herraiz, conxuntamente cos outros deputados galegos, tamén rexistrou unha Proposición non de Lei, instando ao Executivo a establecer unha fórmula para que as factorías con alto consumo de enerxía poidan acceder ao mercado en condicións razoables e que estean en relación coas doutros países da Unión Europea.
Asimesmo, o xoves da semana pasada, a executiva provincial, que dirixe Juan Carlos González Santín, tamén aprobou por unanimidade unha resolución política, na que os socialistas reafirmaron os compromisos cos traballadores de Alcoa. Neste senso, no documento, que xa foi trasladado este mesmo día aos integrantes do Comité de Empresa e ás administracións do Estado e da Xunta, a executiva pedía aos dous Gobernos un marco regulatorio estable no custo da electricidade que garanta a continuidade da factoría, así como o mantemento da produción e dos postos de traballo desta empresa tan relevante para a Mariña e para Galicia. Noutra orde de asuntos, tamén solicitaban a estas dúas administracións que plantexen unha reindustrialización e se impliquen coa Mariña para incentivar a creación de emprego na comarca, pois ambas as dúas teñen as competencias, teñen as responsabilidades e os mecanismos para facer fronte a un plan que implique a varias consellarías e ministerios que garanta a continuidade da factoría.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
