Lugo 6 de decembro de 2014.- O Grupo Provincial do Partido Popular fixo público este sábado un novo exemplo de falta de transparencia do presidente provincial, José Ramón Gómez Besteiro, ao ampararse de novo no segredo de sumario e negarse a atender a unha solicitude dos populares sobre a facturación emitida por varias empresas con cargo á Deputación.
Os populares explican que en data 19 de novembro, -antes de levarse a cabo o rexistro xudicial na Deputación- dirixiron un escrito ao presidente provincial no que solicitaban acceso ás facturas pagadas pola administración lucense a varias empresas. No día de onte, o Grupo Provincial do Partido Popular a través dunha comunicación por escrito, tivo constancia da negativa do presidente a cursar a petición dos populares e amparábase de novo no segredo de sumario da Operación Pulpo.
Os populares, que trasladan de novo o seu respecto ao segredo de sumario, entenden que nesta nova actitude queda perfectamente retratada cal é a verdadeira vontade de dar resposta por parte do máximo dirixente da institución lucense.
Estase ante unha nova actuación do socialista que demostra que non ten interese en responder, e xera máis dúbidas ata o punto de levantar máis sospeitas de que Besteiro ten algo que ocultar aos lucenses. Segundo os populares, queda así de manifesto o mínimo concepto que o socialista entende por transparencia.
Negativa a responder outra pregunta en pleno ordinario
Ao igual que sucede con esta solicitude de documentación remitida por escrito, o presidente da Deputación tamén, amparándose no segredo de sumario, negouse tamén a dar resposta en pleno ordinario do mes de novembro a unha pregunta rexistrada polos populares con data anterior ao rexistro xudicial. A referida pregunta plenaria versa sobre a facturación emitida a unha empresa. Os populares, que reiteran o seu respecto ao segredo de sumario, entenden que non está xustificado o motivo polo que non responden ao GPP.
Retraso en responder ás preguntas formuladas en pleno extraordinario
Por outra parte, os populares tamén puntualizaron que as preguntas formuladas polo GPP na sesión extraordinaria do luns, e que este xoves rexistraron por escrito, non afectan ao segredo de sumario. O GPP di que está facéndolle preguntas ao responsable político das persoas investigadas, sobre as súas decisións, sobre o que sabía e sobre as medidas que adoptou.
Neste senso, ao Grupo Provincial do Partido Popular non lle consta que a actuación do presidente estea a ser investigada, polo que se se escuda no secreto de sumario para non responder a estas preguntas, ou ben está a buscar unha desculpa para non contestar ou ben tamén está a ser investigado e lle afecta ao secreto de sumario.
Así, lembraron que José Ramón Gómez Besteiro ten dende o xoves un prazo de cinco días para cursar esta petición de resposta dos populares na Deputación de Lugo.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
