Valadouro 4 de decembro de 2014.- José Manuel Lamela, encabezará a candidatura do Partido Popular á Alcaldía de O Valadouro. Así o anunciou este xoves o líder dos populares lucenses, José Manuel Barreiro nunha rolda de prensa na que estivo acompañado polo secretario xeral do PP de Lugo, José Manuel Balseiro e do alcaldable.
Barreiro manifestou que fronte ao espectáculo que está a protagonizar o tripartito, o Partido Popular presenta unha persoa seria, leal e estable para culminar o proxecto iniciado fai algo máis de tres anos, cando os veciños lle outorgaron a súa confianza e fixeron posible a vitoria electoral, convertendo á formación política popular na lista máis votada.
Os populares aseguran que O Valadouro merece unha estabilidade política fronte á división, o caos e ás liortas permanentes, que representa o actual Goberno, “incapaz de configurarse como alternativa” .
O presidente provincial lembrou que foi un pacto económico entre mercaderes o que privou a José Manuel Lamela de continuar servindo aos veciños; “un pacto ante notario e unha cláusula de 100.000 euros asinada entre PSOE e UDIVAL, coa total complicidade e apoio do BNG, foi o que en 2013 desaloxou da alcaldía á persoa que elixiron os cidadáns”.- manifestou Barreiro.
Pola súa banda, o recén presentado alcaldable, José Manuel Lamela manifestou que o pacto entre PSOE, UDIVAL e BNG está roto e manifestou que proba diso está en que na pasada sesión plenaria municipal o nacionalistas e UDIVAL uniron os seus votos aos do PP para rexeitar os orzamentos para 2015.
“En menos de ano e medio, este novo goberno xa se desfixo”- manifestou Lamela, quen non mostrou sorpresa e dixo que se viñan a confirmar as reiteradas afirmacións do PP.
Dixo Lamela que o tripartito demostrou que dende que está no poder, O Valadouro nunca tivo un Goberno senón que demostrou ser un auténtico desgoberno. Lamentou que sexan os veciños os prexudicados e que teñan que soportar as continuas liortas e enfrontamentos deste desgoberno.
BIOGRAFÍA E TRAXECTORIA POLÍTICA
José Manuel Lamela naceu en O Valadouro en 1953. É un político cunha longa traxectoria na responsabilidade e xestión municipal. Dende o ano 1999 é concelleiro polo PP nesta localidade.
Mestre Industrial, nas eleccións municipais de 2011 encabezou a candidatura do PP á alcaldía do Valadouro e, logo de obter este importante apoio veciñal foi elixido alcalde como cabeza da lista da formación política máis votada, responsabilidade que exerceu ata que tivo lugar a moción de censura.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
