A Vicepresidenta Segunda, Lara Méndez, acompañada da Concelleira de Servizos Sociais, Pilar Armada, e o Concelleiro de Obras de Cervo, José Ramón Soto, supervisou este luns as obras que se están a realizar en Trasbar, Corral Grande e Casa de Fando, zonas incluídas na parroquia de Castelo, que conta con máis de 200 habitantes habituais.
Estas actuacións, financiadas con 113.303 euros entre Deputación e Concello, están encamiñadas a crear unha rede de saneamento para xestionar as augas residuais destas zonas. As obras, que se atopan no tramo final de execución, están divididas en catro fases e con elas introducíronse, por unha banda máis de 3.000 metros de tubaxe para o saneamento e por outra, instalouse unha estación de tratamento de augas residuais (EDAR).
A Vicepresidenta destacou que “ estas obras son de xustiza e con elas reivindicamos a vida no rural”. Nesta liña, Méndez lembrou “o forte compromiso que esta institución provincial ten co rural” e informou que “continuaremos apostando por obras como estas; pequenas actuacións que fan un grande servizo”.
Do mesmo xeito, o Presidente da Asociación de Veciños que se achegou ata a zona destacou que “estas obras beneficiarán a preto de 100 veciños de Trasbar, ou o que é o mesmo, o 50 % dos habitantes da parroquia de Castelo”. Pola súa banda, os Concelleiros de Cervo agradeceron a colaboración da institución provincial sen a cal “non sería posible acometer estas actuacións tan necesarias para as veciñas e veciños da zona”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
