300 euros en vales de compra en Acia CCA Foz

Óscar Pedrosa Paleo foi o o afortunado cos 300 euros en vales de compra que lles corresponderon por cantar o bingo no primeiro sorteo do Campañazo deste mes de xaneiro, celebrado o pasado día 2. Óscar fíxose co seu cartón en Electricidad Núñez e seguiu o sorteo desde Xoyma, onde nas últimas horas lle foi entregado o premio de Acia-CCA Foz. Outras persoas tamén resultaron agraciadas con vales de compra para gastar ao longo das vindeiras semanas nos locais asociados a Acia-CCA Foz. O vindeiro sorteo terá lugar este venres, 9 de xaneiro, a partir das 23 horas en Radio Foz. En total Acia-CCA Foz pon en xogo durante este mes 3.000 euros en vales de compra.