A competición está dirixida a nenos e nenas nacidos entre 2012 e 2019 e constará de tres modalidades diferentes
Cariño, 26 de xuño, 2025. O Concello de Cariño acollerá este sábado, 28 de xuño, a celebración do ‘I Tríatlon de Menores Concello de Cariño’, unha cita deportiva organizada conxuntamente polo Club Natación Cedeira, a FEGATRI, a Asociación de Veciños Concello de Cariño e o propio Concello. Será a partir das 15:00 horas.
O evento está dirixido a nenos e nenas nacidos entre os anos 2012 e 2019 e contará con tres modalidades diferentes. A primeira é un acuatlón non competitivo con inscrición previa, dirixido aos nados en 2018 e 2019. A segunda modalidade é un tríatlon competitivo con inscrición, no que participarán as categorías benjamín, alevín e infantil e que será unha proba reservada exclusivamente para deportistas federados. Por último, a terceira modalidade é un acuatlón non competitivo aberto, dirixido a nenos e nenas de entre 6 e 13 anos e no que se poderá participar sen necesidade de inscrición previa.
Os interesados nesta última modalidade deberán presentarse ás 16:00 horas na Casa da Cultura para asinar o consentimento. A única condición para participar é saber nadar e acudir con traxe de baño e calzado deportivo.
A saída da proba terá lugar na praia da Basteira. A transición para a proba de ciclismo estará situada no paseo marítimo, fronte á Casa da Cultura. O percorrido ciclista pasará polo carril bici, rúa Río Sil, avenida da Paz, rúa Cabo Ortegal e a urbanización das casas dos mariñeiros. Finalmente, a carreira a pé desenvolverase polo Paseo Marítimo, finalizando preto da praza do propio paseo. Todo o percorrido da proba, así como o regulamento da mesma, pódese consultar nas páxinas web de RockTheSport e da FEGATRI.
Aquelas persoas que desexen colaborar como voluntarias no evento poden poñerse en contacto co Servizo de Deportes do Concello de Cariño no teléfono 981 405 064, ou coa Asociación de Veciños Concello de Cariño.
Dispositivo especial para a proba
Por motivos de seguridade e para garantir o bo desenvolvemento do evento, prohibirase aparcar en varias zonas do municipio desde as 9:00 ás 18:30 horas do sábado 28 de xuño. Estas serán a avenida da Paz, rúa Río Sil, rúa Cabo Ortegal, urbanización das casas dos mariñeiros e na zona de aparcamento da Casa da Cultura. Ademais, durante a celebración do tríatlon, o circuíto permanecerá pechado ao tráfico e non se poderá acceder nin saír dos garaxes situados nestas rúas.
Desde o Concello de Cariño agradécese de antemán a comprensión e colaboración dos veciños, animando á participación e asistencia a esta primeira edición dun evento deportivo que pon en valor o deporte basee, o traballo en equipo e a vida saudable entre a mocidade.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
