Ribadeo, 28 de xaneiro de 2015. A comisión organizadora do Entroido 2015 en Ribadeo potenciará esta festa a través das redes sociais e anima á hostalería e ao comercio a participar activamente nesta cita, porque son varios os premios que estarán en xogo.
Desde a comisión organizadora sinalan que “o que queremos é que hostaleiros se impliquen no Entroido servindo cocido nos seus locais o luns, 16 de febreiro, porque ese día imos facer un concurso nas redes sociais. Deste xeito pretendemos que eses establecementos e os seus clientes suban as súas fotos a un perfil de facebook, que imos crear, para visualizar da maior e mellor forma posible o noso Entroido. Queremos darlle máis dinamismo e modernidade e animar á xente a que saia disfrazada á rúa e a que viva o Entroido ribadense. Animamos tamén aos hostaleiros de Ribadeo a que decoren os seus establecementos e a que se disfracen para así facer aínda máis atractiva e divertida esta cita coa tradición”.
Aqueles grupos que envíen as súas fotos á comisión organizadora do Entroido “comendo ou ceando cocido o 16 de febreiro nos locais hostaleiros de Ribadeo. Aquela imaxe, aquel grupo, que reúna máis “me gusta” converterase en Os máis larpeiros. Tamén haberá premios: aos mellores disfraces (individual, parella e grupo), que nos pasen as súas fotos e que obteñan máis apoios en facebook; ao mellor local e ao camareiro/a mellor disfrazado/a”.
Desde a comisión do Entroido 2015 de Ribadeo subliñan que “o que queremos é que ninguén quede na casa o luns de Entroido, queremos que a xente se reúna coas súas amizades e saia saborear os cocidos que se servirán nos mesóns e restaurantes e que gocen desa cita, tanto os hostaleiros coma os seus clientes e que despois, entre todos, reflictamos ese colorido nas redes sociais”. E engaden: “estamos a pechar esta campaña de promoción do Entroido, que daremos a coñecer dentro duns días”.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
