Burela, 5 de xaneiro de 2015. Portos de Galicia adxudicará nos próximos días, salvo imprevistos, as obras de prolongación do martelo que separa a zona comercial da pesqueira no porto de Burela, segundo anunciou hoxe o alcalde burelés, José María González Barcia, que cualificou a noticia como “un moi bo regalo de Reis”.
As obras, que contan cun presuposto de case 483.000 euros, consistirán na prolongación do martelo actual, de cincuenta metros, a vinte máis, coas mesmas características que presenta o xa existente, e o prazo de execución será de seis meses. Foron seis empresas as que presentaron ofertas para realizar estas obras que se adxudican a través dun procedemento aberto. As obras poderían comezar a finais de xaneiro ou xa en febreiro.
José María González Barcia recoñeceu e agradeceu “o esforzo que está a facer a Xunta que preside Alberto Núñez Feijoo con Burela, neste caso a través de Portos de Galicia, e a través dunha obra que mellorará a seguridade interior da dársena e que en todo momento foi consensuada co sector”.
Neste senso, Barcia lembrou que “hai un ano lle foron presentadas ao sector, á confraría de pescadores e ABSA, seis alternativas, en función dos estudios de vento e olas levados a cabo polos técnicos de Portos de Galicia. Posteriormente se arbitraron outras dúas alternativas máis, e nunha seguinte reunión se adoptou a decisión que agora comeza a plasmarse”.
O rexedor burelés manifestou que “unha vez máis, cumprimos os prazos que fomos dando, sempre da man de Portos de Galicia, e creo de xustiza resaltar o elevado nivel inversor que a Xunta está a facer no noso concello, xa que nestes momentos hai obras en execución ou próximas a iniciala cun importe total que rolda os dez millóns de euros”.
Finalmente González Barcia afirmou que “en 2015 redactarase tamén o proxecto construtivo da segunda parte da solución elixida para mellorar a seguridade interior do porto, que pasa pola construción dun martelo en diagonal que partiría da zona onde está ABSA en dirección ao martelo xa existente e que agora e vai prolongar; e confiamos que tamén en 2015 se inicien os trámites para a licitación, adxudicación e contratación desa obra”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
