Se aínda non tes o abono laranxa 2014-15 e queres gozar do mellor espectáculo do fútbol sala nacional e por partida dobre, en Primeira LNFS e RFEF, xa podes facelo co CD Burela FS Pescdos Rubén. Tras a clasificación histórica do equipo de Juanlu Alonso para a Copa de España de Cidade Real (12-15 de marzo) e coincidindo co comezo de 2015, todas as persoas interesadas poderán ser socias burelistas cunha suculenta promoción no Abono Pack Copa, que inclúe carné laranxa ata o final de tempada, camiseta conmemorativa da Copa de España e entrada para presenciar os cuartos de final ante Inter Movistar (xoves 12 de marzo, 21.15 horas).
Abonos Pack Copa
Abono Individual: 90 euros
Abono Familiar: 120 euros (1 unidade)
Abono Xubilado: 75 euros
Abono Estudante: 65 euros
Abono Xuvenil: 60 euros
Abono Infantil: 45 euros
Reserva de asento: 50 euros (Individual) 75 euros (Familiar)
O pack Copa tamén estará dispoñible para os xa abonados laranxas desde o comezo de tempada, por un prezo de 45 €. Para o resto das persoas interesadas, a camiseta do debut mariñán en Copa de España e a entrada para o partido estarán dispoñibles a 60 euros. Esta promoción estará vixente ata o 28 de febreiro.
O club laranxa ofrece ademais a posibilidade de adquirir o abono de media tempada independente para vibrar co fútbol sala de elite en Vista Alegre, por partida dobre.
Abonos de media tempada
Abono Individual: 45 euros
Abono Familiar: 75 euros
Abono Xubilado: 30 euros
Abono Estudante: 20 euros
Abono Xuvenil: 15 euros
Abono Infantil: 5 euros
Reserva de asento: 50 euros (Individual) 75 euros (Familiar)
O pago realizarase nunha soa cota, ben por domiciliación bancaria, ben cando se retire o abono na sede burelista.
En www.burelafs.org está a disposición das persoas interesadas o formulario de socios/as 2014-15, que poden cubrir e enviar por correo electrónico (burelafs@burelafs.org), sen saír do seu domicilio; ás tarifas aplícaselles o desconto do 50% con respecto ao comezo de tempada. Para máis información, poden acudir á sede laranxa (avenida Arcadio Pardiñas, número 91, baixo, Burela) ou chamar ao número de teléfono 982 58 18 15.
*Foto: Marián García Mesa.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
