A afección mariñá gozou do mellor fútbol sala internacional esta tarde en Vista Alegre cunha clara vitoria da Selección Española fronte a Ucraína, quinta clasificada no ranking UEFA. A Vermella impúxose por 4-0 con dous tantos en cada tempo, de Sergio Lozano, Adolfo e dobrete de Aicardo.
O combinado dirixido por José Venancio López Ferro inaugurou o electrónico no minuto 5, con diana de Sergio Lozano; no 7, Adolfo subiu o 2-0. Ucraína tivo as súas opcións de reducir distancias; as máis claras, dúas boísimas antes de chegar ao ecuador da primeira parte, de Bilotserkivets e Kordova, que non conseguiron definir fronte a Paco Sedano.
Tras o descanso a presión da Vermella, coa incorporación de Jesús Herrero baixo os paus, asfixiou ás filas ucranianas. Superado o minuto 30, a embestida española levantou os aplausos da bancada cun potente mísil de Sergio Lozano cazado tras unha serie de rexeites. Diego Quintela tamén tivo nos seus pés o 3-0 no minuto 32, freado polo meta rival ao bordo da liña de meta. A falta de case catro minutos para o final, Ucraína apostou polo xogo de cinco pero a Vermella non perdoou. No minuto 38, Aicardo aproveitou cun dobrete a porta baleira para anotar o definitivo 4-0.
Homenaxe a Juanma Marrube
A visita da Selección Española e Ucraína, no primeiro partido de fútbol sala de elite de 2015 en Vista Alegre, tamén trouxo un recordo imborrable para o mausoleo e a historia da familia burelista. Antes do asubío inicial, o eterno capitán laranxa e actual secretario técnico do CD Burela FS Pescados Rubén, Juanma Marrube, recibiu unha emotiva homenaxe; o presidente do club, Manuel Blanco, acompañado polo responsable de seleccións de fútbol sala da RFEF, Laurentzi Gana, e do alcalde de Burela, José María González Barcia, ademais do propio homenaxeado, descubriu a vitrina na que figurará a camiseta do ex xogador, cuxo dorsal foi retirado coincidindo coa súa despedida das pistas este verán. Desde hoxe o 8 histórico laranxa lucirá á beira do marcador da bomboneira.
Ficha técnica
España: Paco Sedano, J. Ruiz, Fernandao, Mario Rivillos, Raúl Campos (cinco inicial). Tamén xogaron Aicardo, Sergio Lozano, Pola, Lolo, Adolfo, Andresito, Diego Quintela, Jesús Herrero. Seleccionador: José Venancio López Ferro.
Ucraína: Ivaniak, Sorokin, Rogachov, Ovsiannikov, Bilotserkivets (cinco inicial). Tamén xogaron Valienko, Shamil, Bondar, Kordova, Razuvanov. Seleccionador: Alesander Kosenko
Goles: 1-0, minuto 5, Sergio Lozano; 2-0, minuto 7, Adolfo;3-0, minuto 38, Aicardo; 4-0, minuto 38, Aicardo
Tarxetas: Por España amarela a J. Ruiz (minuto 12)
Árbitros: Fernando Gutiérrez Lumbreras (España) // Oleg Ivanov (Ucraína)
Incidencias: Partido amigable entre España e Ucraína disputado en Vista Alegre. Arredor de 800 espectadores. A Real Federación Española de Fútbol estivo representada polo responsable de seleccións de fútbol sala, Laurentzi Gana, e o xefe de delegación, Juan Manuel Carreras; entre as autoridades asistentes estiveron o xefe de Deportes da Xunta de Galicia en Lugo, Manuel Otero Méndez; e o alcalde de Burela, José María González Barcia.
*Fotos: Marián García Mesa.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
