Lugo, 21 de xaneiro de 2015.- O Presidente, José Ramón Gómez Besteiro, contrapuxo este mércores as políticas lingüísticas da Deputación de Lugo coas da Xunta de Galicia. Fíxoo tras a reunión que mantivo co Presidente da Real Academia Galega, Xesús Alonso Montero, na que acordaron novas colaboracións e abordaron a “preocupante” situación na que se atopa o galego.
O titular provincial desgranou os últimos datos do Instituto Galego de Estatística e apuntou a “caída en case 6 puntos, do uso do noso idioma, sobre todo entre os máis mozos”. Segundo a enquisa do IGE, a porcentaxe de galegofalantes no conxunto de Galicia descendeu do 57% no 2008 ao 51,49% do 2013. O 75% dos rapaces menores de 15 anos usan sempre ou maioritariamente o castelán.
“A nosa responsabilidade é actuar contra isto fronte a unha actuación pouco eficaz da Xunta. O primeiro dos galegos debería ter unha política clara en relación co uso do galego, posto que a protección do noso idioma forma parte das competencias que recibe o Presidente de Galicia. Sen embargo, con Feijóo o galego foi cada vez a menos. Os fondos da Xunta en defensa do galego desplomáronse nun 70%. Fraga investía o triplo. O resultado é catastrófico. Temos que correxir 5 anos negros. E para isto hai que poñer novos recursos”.
Neste senso, Gómez Besteiro adiantou que este ano a Deputación, a través do departamento de Cultura, ofrecerá unha nova liña de axudas para respaldar aos Concellos de cara a contratar empregados que traballen no eido da normalización lingüística. A institución luguesa fará o traballo que non está a facer a Xunta dende o 2012, cando eliminou, antes de resolvelas, as axudas para a contratación de normalizadores.
O Presidente avanzou que a Deputación incrementará no 2015 a axuda económica que, dende a chegada do actual Goberno Provincial, concede á RAG, e que xa superan os 70.000 euros, ao tempo que financiará os actos na provincia polo centenario de Ramón Piñeiro, veciño de Láncara e ilustre escritor, que foi académico numerario da Real Academia Galega. “A relación entre Deputación e RAG, que é positiva, ten que ir a máis ante a preocupante situación na que se atopa o galego tras os últimos 5 anos negros”, subliñou Besteiro.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
