Viveiro, 21 de xaneiro 2015.- O Bloque Nacionalista Galego considera “unha simple capa de chapa e pintura” o anuncio de aparcamentos que onte fixeron membros do PP e do PSOE no muelle vello de Viveiro. O portavoz nacionalista, Bernardo Fraga, considera que se trata dun simple “parche de carácter electoral e de propaganda gratuíta” do Concello e a Xunta “facendo en 4 meses que quedan ata as eleccións un lavado de cara á zona para tapar o que non fixeron nestes catro anos”.
O portavoz do Bloque acusa á alcaldesa de “aliarse co candidato do PP para enganar aos viveirenses antes das eleccións” e de estar “ensaiando” unha “gran coalición entre o PP e o PSOE para despois das eleccións”. “Vendo as fotos de onte no muelle vello semella que o que PP e PSOE lles ofrecen aos cidadáns de Viveiro despois de maio é un goberno con María Loureiro de alcaldesa e Antonio Bouza de tenente alcalde, ou ao revés”, afirma Bernardo Fraga. “Nós ofrecemos unha alternativa, un modelo de concello, diferente para Viveiro” di.
O voceiro nacionalista acusa a Concello e Xunta de “non ter un proxecto de futuro para os terreos que ocupaban o muelle vello”. “O máis doado é tirar os galpóns e pintar unhas liñas no chan e que aparquen coches, pero nesa zona pódese facer moito máis, iso é desaproveitar un entorno privilexiado no centro de Viveiro, a carón da ponte e da ría”. Por iso, o BNG pide “compatibilizar o aparcamento con zonas para o disfrute dos veciños e veciñas”, polo que reclama unha vez máis “unha reforma integral da zona, que abra Viveiro ao mar, e que contemple a execución dunha obra integral no muelle, que supoña unha verdadeiro reforma para o futuro, e non un parche electoral”.
“Gran Coalición” PP-PSOE”
Bernardo Fraga considera “chamativa” a “alianza preelectoral” do PP e do PSOE en Viveiro e pregúntalles tanto á alcaldesa como ao candidato do PP “se a foto xuntos no muelle vello é o preámbulo para unha Gran Coalición despois das eleccións”. De xeito irónico, proponlles a Loureiro e a Bouza un “test de compatibilidade” preguntándolle á alcaldesa do PSOE se “avala os recortes en educación e sanidade que o PP está a levar a cabo dende a Xunta e o Goberno do Estado” e ao candidato do PP se se fai “corresponsable da parálise total co Concello de Viveiro nos últimos tempos”.
Unha maneira divertida e creativa de reciclar mentres soñan con aventuras baixo o mar.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
Este 5 de xullo, como todos os primeiros sábados de mes, reclamaron unha vez máis unhas pensións dignas.
Á cita acudiron máis dun centenar de persoas. No espectáculo, que atraeu a un numeroso público, realizouse unha viaxe emocional pola historia do mar galego, fiado a través de relatos reais e cantigas populares interpretadas en directo. A obra recupera vivencias de naufraxios na Costa da Morte, rendendo homenaxe tanto a quen perdeu a vida no mar como a quen quedou en terra: viúvas, orfos e persoas que prestaron auxilio, co obxectivo de que as súas historias non caian no esquecemento.
