O Burela FS Pescados Rubén dá a benvida a 2015 este sábado 3 de xaneiro na pista do líder -actual campión de Liga e Copa de España-, Inter Movistar (Fundación Montemadrid, 18.00 horas), rival co que tamén quixo o destino que se mida na súa estrea da Copa de España de Cidade Real (12-15 de marzo).
Con 37 puntos e sen coñecer aínda a derrota, os interistas capitanean a clasificación, con 12 vitorias e 3 empates; tan só ElPozo Murcia (2-2, xornada 6), Marfil Santa Coloma (3-3, xornada 7) e Levante (2-2, xornada 14) foron capaces de arrebatarlles puntos. “Sabemos que é un rival moi complicado; non perdeu no que vai de tempada e está atravesando un momento excepcional. Con todo nós sairemos, coma sempre, a gañar; a clasificación para a Copa de España deunos moita confianza e esperemos que tamén nos axude cun empurrón para a segunda volta” explicaba o técnico burelista, Juanlu.
A expedición laranxa viaxou hoxe a Alcalá de Henares coa única baixa de Miguel; logo de case dous meses, Jorge Bellvert volve á convocatoria, recuperado xa da súa lesión. A última sesión da semana está prevista para esta tarde, a partir das 19.00 horas.
En Vista Alegre, o electrónico decantouse a favor dos madrileños por un axustado 0-1.
O partido poderase seguir en directo en www.futsala.com.
Convocatoria Inter Movistar: 1. Luis Amado, 4. Lolo, 7. Pola, 8. Rivillos, 10. Ricardinho, 11. Orzáez, 12. Borja, 14. Rafael, 17. Mel, 19. Cardinal, 20. David Pazos, 27. Herrero.
Convocatoria Burela FS Pescados Rubén: 1. Edu, 3. Bellvert, 5. Iago Míguez, 7. Isi, 10. Matamoros, 11.Chano, 13. Álex, 17. Carlitos, 23. Antoñito, 27. Renato, 29. Ángel, 30 Hélder.
Foi baixo o título: Coñece os teus dereitos como consumidor, enmarcado nesta ocasión nunhas xornadas participativas nas que se abordarán neste mes de maio temas moi interesantes para o consumidor baixo o epígrafe "Consumo en Ruta" en colaboración coa Xunta de Galicia e da asoc. Xubilados Terramar. As próximas charlas serán os martes 20 e 27 de maio, no local social da asoc. de Xubilados Terramar, na Casa do Mar.
Co gallo do día das Letras Galegas, levarase a cabo un Obradoiro de oralidade das mulleres. Empregaranse as ferramentas do ciclo do ano e ciclo vital e farase percorrido polos cantares de tradición oral e os contextos nos que se producen. Branca Mª Villares Naveira dirixe este obradoiro; ela é docente de música tradicional galega na especialidade de canto e as percusións de man, con mais de 25 anos de bagaxe na investigación, tamén é divulgadora da tradición oral das mulleres galegas. Terá lugar este xoves, día 15 de maio no Salón de Actos do centro ás 16:30 horas. Máis información e matrícula: https://
Na presentación do cartaz participou o alcalde, Demetrio Salgueiro, acompañado das concelleiras Dolores, Cristina e Tamara e dos membros da Comisión de festas Benigno, Carlos, Borja e Dalmacio. Todxs convidan a veciños/as e visitantes a desfrutar deste día de alegría e facelo vestidxs de branco.
Este xoves 15 de maio, ás 20:30h na Libraría Bahía de Foz celebrarán as letras galegas coa presentación do libro 'Bóveda, memoria do lugar' a cargo do seu autor, Óscar Górriz. Trátase dun libro de recollida etnográfica e musical con textos e fotografías. Haberá tamén música de pandeireta arrufando a presentación. Ademais o venres haberá un 10% de desconto en todos os libros escritos en galego, para celebrar as nosas letras e promover a compra de libros na nosa lingua.
A mañá do domingo 18 Guía tu día organiza a ruta da Seimeira no concello da Pontenova. "Unha interesante andaina de 9km circular e de dificultade media ubicada na parroquia de Bogo, onde descubriranse as pintorescas aldeas de Vilarxurbín e Sanxés, varios miradores e a seimeira. Ademais das Fragas de Teixido e Sanxés que son espectaculares" comenta a guía. A xornada rematará cunha comida no restaurante O Lar de Balbina. O prezo da ruta guiada é de 10€ e 20€ a comida. O grupo está limitado a 20 persoas. Máis información e reservas no 654 99 68 57 ou guiatudia@gmail.com.
Na presentación, este luns, participou Leandro Quelle e Rubén Rubiños como membros da Asociación Equina A Medela, organizadora da feira, acompañados polo alcalde, Demetrio Salgueiro, e a concelleira de agricultura, Dolores Meitín. Dende o Concello de Xove convidan a toda a veciñanza e tamén a todos aos afeccionados/as ao mundo do gando a que se acheguen disfrutar dunha xornada familiar dende as 9.30, con importantes premios e sorteo dun poldro.
Bruno Arca, alumno de 1º Ciclo Medio de Cociña, acadou un 4º posto no Combiguru Challenge celebrado en Venecia os días 8 e 9 de maio. O concurso consiste en realizar unha serie de probas na APP da compañía, famosa polos seus fornos. Os seleccionados van a Venecia para participar no concurso no cal teñen que preparar un prato e unha sobremesa durante tres horas, sempre empregando os fornos da marca. Os dous días de concurso inclúen visitas guiadas pola cidade de Venecia e formacións con cociñeiros de prestixio como Paolo Casagrande, do Restaurante Lasarte de Barcelona con tres estrelas Michelin.
