O restaurante A Dourada do Cantábrico celebra San Valentín organizando unha cea especial o sábado 14 de febreiro. O menú estará composto por: croquetas de mexillón, vieiras ao forno, lombo de pescada en salsa verde, cachopín de solombo e corazón de biscoito de chocolate. Todo iso acompañado de viños ribeiro Grande Alanís e rioja Ramón Bilbao, café e licores. O prezo por parella será de 50 euros e as reservas poderán realizarse antes do xoves, 12 de febreiro, no teléfono 982 12 96 08 ou a través do correo electrónico dorada1998@gmail.com. Dende A Dorada do Cantábrico animan “a todas as parellas a celebrar un día tan especial, gozando dun menú coidadosamente elaborado a base de produtos de primeira calidade e moi vinculados con esta terra,”. O restaurante está situado na rúa Virxe do Camiño de Ribadeo e conta dende 1998 cunha ampla experiencia na elaboración de carnes do país e pescados e mariscos do Cantábrico.
Cea de San Valentín en A Dorada do Cantábrico
Relacionado
-
A Feira do Libro de Foz acollerá este domingo 23 de agosto de 2026, ás 21:00 horas na Praza de Conde Fontao, a presentación do libro ‘Eu voun navegar (Relatos dunha noite de verán)’, escrito por Farruco Graña e ilustrado por Mon Lendoiro
-
A igrexa parroquial de Ribadeo encheuse este domingo para desfrutar do concerto ofrecido por Carlos Núñez
-
O pasado venres, 14 de agosto, presentouse no Local Social da Praza Concepción Arenal de Ferreira do Valadouro o libro ‘Espiritualidad’, coordinado e redactado por Pepe Peinó e no que colaboran outros sete autores de distintas correntes espirituais
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
