O Ribadeo asinou máis ocasións na primeira metade do seu encontro ante o As Pontes disputado o sábado 3 de xaneiro no Poboado; pero os locais saíron con ganas dos vestiarios e foron polos 3 puntos que, finalmente conseguiron tralo definitivo 3-0.
Os celestes tiveron varias ocasións na primeira metade coma unha de David a pase de Rafa Casanova que rematou ante a defensa pontesa, un saque de esquina que rematou Andrés sen éxito ou outra de Rafa Casanova só ante o porteiro local.
Con empate a cero goles chegábase ó descanso tras dúas ocasións dos ponteses que volverían a pisar o céspede con intensidade. De feito, no minuto 48 Iván González adiantaba ós coruñeses. Chicho coloca de cabeza o 2 a 0 no marcador tras un saque de esquena. E a piques de rematar o encontro nas Pontes, Sergio Arias sentecia o partido nun rexeite de Bossa.
O adestrador ribadense, Germán Campos, explicou ó remate do encontro que “o mal inicio da segunda parte e moitas decisións discutibles condicionaron o resultado final. Pero os primeiros 45 minutos foron aceptables”.
Con este resultado, os celestes colócanse sétimos na táboa con 30 puntos, 7 menos que o líder do grupo 1 da Terceira División, o Pontevedra CF. A vindeira xornada visita ó Alondras; pero antes, o martes 6 de xaneiro, disputará un partido amigable contra o CD Foz no Martínez Otero.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
